小睡系列 - 不可忽略的環境因素
琴日同各位媽咪爹哋分享咗 時間因素 嘅重要性。
咁又有媽咪問嘞...
「已經跟住清醒時間畀BB瞓，但仍然氹極都瞓唔著，攪到過鐘，點解呢？」
今日再大家講吓 環境因素
1）一字記之曰「黑」
日光日白，點瞓得著呢？黑到伸手不見五指，咁就嘞... 咩話？你喺廳氹佢瞓？快啲返入房拉埋個窗簾啦！光線會抑制大腦分泌睡眠荷爾蒙褪黑激素（melatonin ），由6-8周大開始，BB需要自己產生到睡眠荷爾蒙，至可以瞓得著㗎！
伸延閱讀：《一熄燈BB就大喊，點解呢？》
https://blog.dolcesleepers.com/blog/baby-cry-light-off
2）「靜」止睡眠時空
小睡時間，除咗BB之外，世界如常運轉，難免會有各種唔同嘅環境嘈音 - 車聲狗吠聲人講嘢聲電視聲... 咁嘈你瞓唔瞓得著呢？就嚟瞓著都嚇醒啦！你可以用白噪音遮蓋呢啲聲音，仲有其他好處添
伸延閱讀：《使用白噪音助孩子安睡》
https://blog.dolcesleepers.com/blog/how-to-use-white-noise
3. 瞓得舒「服」
雖然香港一年四季溫差唔大，不過BB對溫度比較敏感，太凍或太熱，都會比較難瞓得著。點為之溫度適中呢？其實都要睇返個別情況嘅，你可以摸吓囝囝囡囡後頸背位置，感覺夠暖又冇汗，就咁應該啱嘞！畀多個貼士你啦，如果天氣有啲涼嘅話，你可以幫囝囝囡囡著個睡袋，唔單止安全啲，而且亦唔駛怕佢會踢被凍親啦！
伸延閱讀：《防止孩子踢被的最好方法》
https://blog.dolcesleepers.com/blog/sleeping-bag
此外，千其唔好忽視睡眠環境嘅安全性呀！
伸延閱讀：
《美國兒科醫學會的安全建議》https://blog.dolcesleepers.com/blog/tummy-sleep-2
《與嬰兒同床而睡的寶際安排》
https://blog.dolcesleepers.com/blog/bed-sharing-2
***
~小睡系列文章~
有非常多家長表示，小朋友夜晚唔願瞓，朝早又唔願起身... 加上一上車就瞓著覺 呢個徵狀，明顯係長期睡眠不足 😔
因為 驚嚇反射 嘅緣故，好多媽咪爹哋都會買包巾包實BB，希望令BB瞓得冧啲。之不過，為安全起見，當BB出現翻身跡象，或者滿8周大，就需要停止包住BB雙手，以防翻身後BB唔能夠撐起自己，增加窒息風險。
日頭瞓得好，唔單止能改善夜醒嘅情況，而且仲可以提升BB嘅學習同記憶能力！曾經有唔同嘅科學研究都同時指出，小睡充足對大腦發展嘅正面影響。
前日，一時感觸寫咗篇千字文，好多謝大家幫手分享出去，希望多啲媽咪爹哋知道真正嘅健康睡眠、真正嘅相信BB同 尊重BB係點嘅一回事。出咗篇文之後，收到幾位媽咪同我訴苦，佢哋都曾經面對同一處境
好多媽咪同我講話，囝囝囡囡成日要人陪玩，由細到大已經習慣咗，仲可以培養到獨玩能力嗎？
好多媽咪習慣日頭畀BB喺廳瞓覺，方便照顧。但BB床喺房，於是就會將BB放喺可傾斜嘅嬰兒餐椅畀佢瞓覺。呢個做法，好可能會導致扁頭症㗎！
瞓覺，係需要放鬆嘅。有好多產品，都聲稱能夠起到鎮靜及放鬆作用，幫助入睡。
其中好常見嘅一種係 - 香薰油。的確，對大人嚟講，香薰油係幾有效嘅產品。不過，BB可以用嗎？
好多BB都會有成日大喊唔停，難以入睡嘅問題。
全日抱住氹BB瞓覺，更加係好多媽咪爹哋嘅惡夢
坊間有好多靈丹妙藥，聲稱能解決各種（甚至所有）常見嘅BB問題
最萬能嘅應該係「保嬰丹」 。
保護嬰兒嘅靈丹，仲唔係好嘢？
白噪音，係安睡神器之一，能有效遮蓋突如其來嘅環境噪音，避免BB畀嘈醒。
但係，有啲媽咪爹哋同我講，有研究指出白噪音會影響聽覺，甚至可能會延誤言語發展。
係真唔係呢？
每朝早，你係自然醒，定畀囝囝囡囡 「叫醒」？
應該幾時轉小童床？我囝囝而家歲半，最近成日唔肯瞓覺，轉小童床會唔會合作啲呢？
過左清醒時間，會令BB較難入睡或者瞓得唔好，呢樣嘢其實到幾大先至會無咁明顯？係咪唔駛瞓晏覺時，夜晚就會瞓得好？
好多時同啲媽咪爹哋傾佢哋囝囝囡囡嘅睡眠問題，都會發現佢哋好緊張BB每日瞓得夠唔夠， 一早制定時間表，如果某日小睡瞓少咗，就會好驚，唔知點算好
無論BB幾大，無論係同大人同房定有自己一間房，我都好建議買一部視像監視器，令你能夠更易掌握到囝囝囡囡嘅睡眠情況。
囡囡3歲嘞，點同佢解釋，佢需要開始學自己瞓覺，但爸爸媽媽可以喺隔離房一齊瞓？
好多時候，我哋會諗盡辦法點樣令囝囝囡囡瞓得好，但往往會忽略一個非常重要，而且唔係太難控制得到嘅因素...
今日講終極大佬 -- 停止午睡
唔駛瞓晏覺嘞喎，多咗好多時間去街，又唔駛再計清醒時間，唔係應該開香檳慶祝咩？
《影響小睡的其他因素》
今日同一位媽咪傾電話，佢話，如果晚餐淨係得佢同囝囝一齊食，通常好快就食完..但係當爸爸趕得切返嚟一齊食，就會攪耐好多，原因係...