大人想睇電話玩手機，但影響到BB唔食飯又訓唔到覺

今日同一位媽咪傾電話

佢話，如果晚餐淨係得佢同囝囝一齊食，通常好快就食完...

但係當爸爸趕得切返嚟一齊食，就會攪耐好多

原因係...

爸爸會一邊食一邊篤電話

於是囝囝都會睇埋一份，分咗心自然食得慢好多

呢個情況，我身同感受

因為，孖仔爸爸食完飯就會走去梳化開電視睇

孖仔本來食得好地地，但電視開咗，對眼自然吸引咗過去...

就算電視只係報緊新聞，甚至係talk show

唉... 呢個位其實我都冇計...

曾經試過出聲，甚至有次炆得滯直接熄機，但始終都係解決唔到...

因為，大人其實比BB同小朋友更難改變習慣

而且，有時的確好難要求大人去改變，完全遷就小朋友...

其實之前都遇過幾個case，因為屋企人習慣要開住電視，令BB受刺激過度而影響入睡。

BB嘅大腦未發展到有「過濾系統」，所以會完全接收所有外在刺激

就算對我哋嚟講已經算好平靜嘅環境，例如去行公園，但對BB嚟講，所有刺激會放大幾百倍！

長期受刺激下，對BB嚟講係一件好攰嘅事。

電視不斷跳動嘅畫面，仲有成日有人講嘢嘅聲，都會令BB大腦overload

面對呢個情況，我嘅建議通常係BB食完晚飯，就算未夠鐘瞓都帶佢入房先，喺房玩到夠鐘至開始睡前儀式。

咁樣，大人可以繼續睇電視，亦唔怕會刺激到BB。

而且，BB自小習慣食完飯就入房，理所當然下自然合作好多，亦唔怕佢掛住玩唔肯入房（睡房可以有幾件淨係喺房至玩得嘅玩具，吸引佢留喺房 ）

compromise，而非 sacrifice

☆☆☆

嬰幼兒睡眠顧問 Catherine

全港首位本地嬰幼兒睡眠顧問 ‧ RIE育兒法專業課程畢業生 ‧ 孖仔媽媽

網上課程 / 電話諮詢 / 免費資源分享

本月專題zoom class：如何培養獨玩能力

詳情請瀏覽Dolce Sleepers網站 

www.dolcesleepers.com

或PM專頁搵Catherine傾傾

www.facebook.com/dolcesleepers