太想BB早啲瞓覺，跟到時間表，令夫妻關係緊張...

聽過我講健康睡眠嘅媽咪爹哋，都知道畀BB早睡早起嘅好處

之不過，有時知易行難...

太怕遲咗畀BB瞓會瞓得唔好，攪到日日喺度趕時間，情緒緊張。

更難處理嘅情況係，屋企人唔明白，點解要咁緊張，攪到家庭氣氛都唔係咁好

呢個係我好唔願意見到嘅情況…

Christine媽媽就曾經遇到呢個難題，於是我邀請佢同佢先生一齊電話傾，有乜問題我可以直接解答，之後大家再一齊傾個雙方都能夠接受嘅做法。

好開心之後收到佢嘅email，話我知佢同佢先生搵到個大人同BB三方都舒服嘅做法!

而佢差唔多2歲半嘅囡囡，仲終於願意自己喺床瞓覺，唔再依賴奶睡，夜醒情況改善，而且Christine媽媽亦唔再怕行開少少囡囡就會醒，輕鬆好多

得到佢嘅同意，同大家分享：

「呢段時間，我調整自己心態，諗返BB真正想要啲乜，我自己又想要啲乜呢？

我平靜落嚟去感受自己到底想點，原來我係會想大家嗱嗱聲快啲瞓着、訓個好覺 (攬住瞓又好、同床又好、奶睡又好），要花時間拉据一段時間先做到分床分房，未必係我內心最想要嘅嘢which is 我一直以為係。

我將自己嘅步伐再調慢啲去配合BB，唔急於要達到啲乜嘢目標。

之前太想BB早啲瞓覺，跟到時間表入睡，而令到自己同老公嘅關係好緊張。上個月尾嘈左一鑊，大家講咗自己嘅感受出嚟，關係有好轉。

新安排令到BB要遲啲訓去配合我哋，但直到呢刻，個安排係三個人都舒服嘅。

11月初囡囡終於自願喺BB床入睡！

雖然佢要摸吓手仔，摸吓我奶奶先瞓得着，半夜醒咗亦會無意識地爬返上大人床，甚至有時一開始就已經話唔想自己瞓BB床都好，佢有能力做到都係一個好開始，亦為佢識表達自己感受而感到高興。

而家佢亦都keep住唔會奶睡、睡前亦無反抗、我一離開就醒同夜醒嘅情況亦減少咗。

講咗咁多，其實真係好多謝你，當初我都未係你客人，你就俾咗好多寶貴嘅意見我，俾咗好多信心我。多謝有你同行。」

有時的確，要平衡到所有人嘅需要，唔係一件易事。

太想BB瞓得好而犧牲其他需要，未必係一件好事，所以好多位只能夠盡量去做，同埋大家可以com到一個所有人都舒服嘅做法。

個人輕鬆啲，心情好啲，BB亦會安心啲，就算時間上可能未係最"理想"，但反而會容易處理啲都唔定。

所以我覺得最重要嘅都係我哋自己嘅心態。

見到佢囡囡嘅進步好開心，個功勞係Christine媽媽嘅！

「睡眠調整全面睇」 網上課程

以令BB/小朋友長遠瞓得好為目標，我會一直傍住你，解答一切有關睡眠嘅各種疑問，並助你處理BB而家及將來所出現嘅睡眠問題，詳情請瀏覽Dolce Sleepers網站，或PM專頁搵Catherine傾傾。

網站：www.dolcesleepers.com
FB 專頁：www.facebook.com/dolcesleepers

☆☆☆

嬰幼兒睡眠顧問 Catherine
全港首位本地嬰幼兒睡眠顧問 ‧ RIE育兒法專業課程畢業生 ‧ 孖仔媽媽
網上課程 / 電話諮詢 / 免費資源分享
https://www.dolcesleepers.com/