BB開始翻身？改用呢款睡袋啦！
因為 驚嚇反射 嘅緣故，好多媽咪爹哋都會買包巾包實BB，希望令BB瞓得冧啲。
之不過，為安全起見，當BB出現翻身跡象，或者滿8周大，就需要停止包住BB雙手，以防翻身後BB唔能夠撐起自己，增加窒息風險。
問題係，當BB習慣瞓覺時被包實，停用包巾後可能會出現入睡困難，以及夜醒大喊等情況（其實亦可能係進入 4個月睡眠倒退期）
雖然只係短期，BB嘅適應能力其實好強，好多時只需要幾日，最多1-2個星期就已經習慣（講緊冇其他睡眠問題，一向瞓得足夠）
不過，冇覺好瞓係一件好痛苦嘅事，所以我都明白，點解有啲媽咪爹哋唔敢停用包巾，我聽過有9個月大*嘅BB瞓覺時仍然雙手被包住...
今日同大家介紹一件產品，能夠畀到BB有包住嘅感覺，但雙手仍然有足夠活動能力。
呢件產品叫Zipadee-Zip，係一個好特別嘅設計，BB著咗之後會變成一粒星星
呢種睡袋所用嘅布料特別有彈性，令BB雙手撐直時仍然被包住，咁就可以順利幫BB係由包巾過度到睡袋啦！
據我所知喺香港唔係咁易搵到呢件產品（好似冇正式代理商，有錯請指正）
不唔緊要，美國Amazon有得賣，而且買滿USD49仲可以免運費添！
即刻去 孖仔媽媽Catherine網店 睇睇啦，我仲幫大家搜羅咗其他育兒好物，包括玩具、繪本、睡眠相關產品等，我會周不時update㗎
P.S . 其實越早停用包巾，BB越容易適應，等到BB大個啲時至改，掙扎反而會更大
另外，當BB去到6-8周大，因為母體褪黑激素已經所餘無幾，所以再冇初生時咁易入睡同瞓得長。
之不過，其實呢個時期亦係幫BB培養良好睡眠習慣嘅好時機，令BB可以喺床上 自然入睡 㗎！
相關課程：
