10種唔需要，甚至有危險嘅睡眠產品
之前同大家咗分享10種令BB瞓得舒服安全嘅安睡產品 😴
今次我就同大家講吓，有啲乜嘢產品係唔需要，甚至有危險嘅產品啦！🙅🏻♀️
1) 分隔床/床中床
分隔床其實並不能減低風險，甚至可能因為誤以為BB瞓喺分隔床內會較安全，更易疏忽而發生意外。已經有研究證實，分隔床/床中床係令BB出事嘅高危產品，外國亦曾回收出事嘅產品。
相關文章：與嬰兒同床而睡的實際安排
2) 枕頭
對BB嚟講，最舒服同安全嘅係完全平坦並且堅硬嘅地方。所以，BB並唔需要用枕頭㗎！
相關文章：幾時可以用枕頭呢?
3) 被
好多家長都會因為BB經常踢被而苦惱，無法安心瞓覺。 其實呢個問題好容易就解決得到，而且仲有其他你意想不到嘅好處添！
相關文章：唔用被可以用乜嘢呢？
4) 床圍（包括網狀床圍）
好多媽咪爹哋會喺嬰兒床四邊安裝床圍，避免BB撞到頭，或手腳卡住喺床欄之間。但你知道，床圍會增加發生嬰兒猝死症嘅風險嗎？
5) 床鈴及投影機
好多BB都會有成日大喊唔停，難以入睡嘅問題。好多商人都會諗啲產品出嚟，協助新手父母解決育兒難題。但係，呢啲產品真係有用嗎？
相關文章：安撫神器真的能幫助入睡嗎?
6) 香薰油
精油對BB可以係好危險嘅事，BB由於皮膚薄，生理系統亦未發育完善，所以會比大人吸收更多精油，對精油出現過敏反應嘅機會亦高好多。聲稱能令BB安睡嘅薰衣草精油，當中嘅化學成份仲會破壞皮膚細胞。
相關文章：香薰油有乜嘢危險呢？
7) 任何會限制BB活動嘅物品
BB瞓覺時打風咁郁嚟郁去，係完全正常嘅事，唔需要用任何嘢去令佢郁唔到，你坐飛機冇得左碌右碌，都覺得瞓得唔舒服啦！
相關文章：睡姿對睡眠有乜嘢影響呢？
8) 任何聲稱能令BB容易啲入睡、或瞓得冧啲嘅產品
希望BB能夠順利入睡，你需要嘅唔係任何產品，而係掌握好入睡時間，以及營造安睡環境等等。
相關文章：點樣能令BB喺15分鐘內入睡呢？
9) 任何聲稱能保持頭型夠圓嘅產品
雖然初生BB一日有超過一半時間係瞓緊覺，但扁頭症嘅主要成因並非BB仰睡所致。
相關文章：點樣能夠促進BB嘅身體活動發展？
10) 保嬰丹或七星茶
坊間有好多聲稱能解決各種（甚至所有）常見BB問題嘅中成藥。但個胃好細，如果飲咗呢啲藥，自然就冇位裝奶。再講，如果真係work嘅，兒科醫生已經開咗畀你啦，仲點會有咁多家庭飽受睡眠不足之苦呢？
相關文章：保嬰丹同七星茶有乜嘢成份？
想知道點樣令BB瞓得好啲，
心情又靚啲？以下兩個課程幫到你 😊
健康睡眠工作坊（0-5個月）
睡眠調整全面睇（6個月-3歲）
詳情 👉 www.dolcesleepers.com/courses
或PM專頁同Catherine約電話諮詢
