10種令BB瞓得舒服安全嘅安睡產品
希望BB瞓得好，需要硬件及軟件嘅配合至得。
今期每周通訊，我會同大家分享10種令BB瞓得舒服安全嘅安睡產品 😉
1) 睡床
喺頭兩年，BB有一半時間都係瞓緊覺，所以一張好嘅BB床非常重要。有啲聲稱有好多功能嘅BB床其實未必符合安全規定，２手床嘅品質亦好難得到肯定。
2) 床褥
你知道，揀BB床褥最重要嘅一個條件係乜嘢嗎？一張好嘅嬰兒床褥，同大人床褥嘅要求好唔同㗎！
3) 床單
通常揀床單，第一樣諗嘅係圖案款式，然後係物料... 但你有冇諗到，其實床單嘅設計都好重要呢？
CLICK ➡️ 床單設計有幾重要？
4) 包巾（只適用於未有翻身跡象嘅BB）
初生BB會因驚嚇反射 (Startle Reflex) ，突然手腳不自由主咁郁動而整醒自己。用包巾包住BB上半身，或者能夠令BB瞓得安穩啲。
CLICK ➡️ 用包巾有乜嘢要注意呢？
5) 睡袋
好多家長都會因為BB經常踢被而苦惱，無法安心瞓覺。 其實呢個問題好容易就解決得到，就係幫BB著個睡袋。而且，仲有其他你意想不到嘅好處添！
CLICK ➡️ 用睡袋仲有乜嘢好處？
6) 不透光窗簾
早醒嘅成因有好多，但有一個好易解決嘅方法，卻經常被忽視，就係日出令睡房光線轉變，令BB醒咗瞓唔返嘞！
CLICK ➡️ 點樣令睡房夠黑呢？
7) 白噪音
白噪音（white noise）係一種有規律性嘅聲音，例如水聲、電風扇，風筒嘅聲音等，能有效遮蓋環境噪音，改善睡眠品質，亦唔怕會刺激到BB。
CLICK ➡️ 用白噪音有乜嘢要注意？
8) 嬰兒監視器
就算BB同你同房，其實都好建議裝部監視器。除咗日頭小睡時可以知道BB瞓成點，半夜如果BB發出聲音，都可以先睇cam，確保BB真係醒咗至作出回應，避免騷擾到BB。
CLICK ➡️ 點揀監視器呢？
9) 安撫公仔（最好1.5歲以上至用）
有個公仔陪睡，小朋友唔單止安心，亦會開心啲，仲會更合作添！
CLICK ➡️ 點令小朋友同安撫公仔做朋友？
10) 發光鬧鐘（適合2歲以上）
如果小朋友比預定時間早醒，嘈住要出房玩，可以嘗試畀個會發光嘅鬧鐘佢，畀佢知道幾時可以離開。
CLICK ➡️ 點樣可以瞓晏啲？
想知道更多令BB瞓得好嘅方法？
睡眠調整全面睇 能助你制定一套最配合你同你BB需要嘅睡眠計劃，大部份教學短片只有５分鐘，跟住建議去做，就能逐步令你BB嘅睡眠情況得到改善。課程仲包括１對１電話諮詢，以及每周Q&A，我會一直support到你BB三歲㗎！
冇時間上堂？可以回覆呢封email，約個單次電話諮詢同我傾傾！
