使用白噪音助孩子安睡
Written By 正向睡眠顧問 Catherine
白噪音（white noise）係一種有規律性嘅聲音，例如水聲、電風扇，風筒嘅聲音等，能改善睡眠品質。
白噪音對睡眠有乜嘢幫助呢？
1. 營造胎兒喺子宮內所聽到嘅聲音，熟悉嘅聲音能增加BB嘅安全感
2. 能夠掩蓋環境聲音，令BB唔會受到突發嘅聲音所干擾
3. 成為一種睡眠關聯，BB一聽到聲音就知道係時候瞓覺
注意：
1. 音量不能超過50分貝，大約像淋浴時水聲嘅音量
2. 音源要距離BB至少2米
3. 在BB瞓覺時應連續播放，以免聲音突然中斷，反而會整醒BB
市面上能買到各類型白噪音產品，你亦可以用舊手機下載app，或者直接使用家中現有嘅電器，例如風扇或抽濕機（請注意安全）。
當小朋友滿2歲後，白噪音嘅作用已大大減低。你可以每隔幾天減低音量，畀囝囝囡囡漸漸習慣冇白噪音都能夠入睡。
Featured
白噪音，係咪真係有安眠作用，可以令BB容易啲入睡同瞓得好呢？
好多時同媽咪爹哋傾BB嘅睡眠問題，都會提及到餵奶及加固情況。一個經常遇到嘅難題係加固唔理想唯有補奶，但都食得少，漸漸變成少食多餐嘅時間表，攪到全日都喺度餵奶餵食好忙。以下呢個case，可能有啲extreme，不過非常有參考價值。
你對於瞓得好嘅定義，係點樣嘅呢？能夠瞓過夜？唔駛次次氹成個鐘至瞓到？我諗呢兩點都係絕大部份媽咪爹哋嘅夢想，但咁樣係咪就等於瞓得健康呢？