陪月習慣餵到BB好飽再氹佢瞓，我喺BB 40日大時至接返嚟湊，親餵之後見唔夠至再補奶粉。但BB瞓得差咗好多，難入睡又成日醒，係咪真係關食唔夠奶粉事？

有媽咪問：陪月習慣餵到BB好飽再氹佢瞓，我喺BB 40日大時至接返嚟湊，親餵之後見唔夠至再補奶粉。但BB瞓得差咗好多，難入睡又成日醒，係咪真係關食唔夠奶粉事？

孖仔媽媽Catherine ：

初生BB個胃好細，係會好快就肚餓。

但谷BB食奶想佢瞓好啲，其實係錯誤嘅觀念（大人食得太飽頂住都會唔舒服難入睡啦！）

所以你所面對嘅情況，其實好可能只係BB嘅正常發展。

因為去到6-8周大，BB從媽媽得嚟嘅母體睡眠荷爾蒙已經所淨無幾，所以會比啱啱出世時難入睡同瞓得短。

對於初生BB嚟講，食奶同睡眠係息息相關，但絕對唔係食得飽就瞓得好咁簡單！

我會建議從瞭解你BB嘅需要著手，重新審視而家餵奶及睡眠時間上嘅安排，同時畀機會BB嘗試床上入睡。

只要瞓得足夠，加入有良好睡眠習慣，4個月睡眠倒退期嘅影響就會細好多，亦都快好多會完結。

唔想錯過正向睡眠及教養文章分享，立即加入whatsapp群組啦！