BB成日夜醒爆喊，點解呢？
正面對睡眠問題嘅家庭，10個有9個都受夜醒問題所困擾 🥱
雖然都係夜醒，但其實背後原因有好多，先搵出導致BB夜醒會大喊，自己瞓唔返嘅真正成因，至能夠對症下藥，令問題得到徹底解決。
咁究竟BB夜醒大喊有乜嘢原因呢？逐點話你知！
1) 肚餓
一般而言，大部分BB喺6-9個月大之間，就會開始可以停夜奶，最遲去到1歲，生理上就唔再需要夜奶，可以連續瞓到11-12小時。
相關文章：10個餵夜奶小貼士
2) 習慣性夜奶
過咗1歲，半夜餓醒嘅機會已經好微，夜醒一般係由其他因素所引致。畀枝奶囝囝囡囡幫佢瞓返，其實不單止冇真正解決到個問題，甚至會造成更難攪嘅睡眠問題 -- 習慣性夜醒。
3) 跌奶咀
奶咀並非必要，不過對吸啜慾較強嘅BB嚟講，係一種好有用嘅安撫方式。只不過，當BB半夜不斷因為跌奶咀而醒，咁奶咀就變成咗睡眠問題，需要解決嘞！
相關文章： 一晚跌幾次奶咀點算好？
4) 大腦及身體活動發展
曾經有好幾位媽咪同我呻話，BB本來可以喺床度自己瞓嘅，點知識企後就唔肯瞓低，結果最後要抱睡... 呢個情況，係其中一種「8個月倒退期」嘅狀況（但亦會喺9或10個月大時發生），呢次倒退期主要係同BB嘅大腦發展有關...
相關文章：BB半夜瞓醒左企喺度唔瞓覺，點算好？
5) 發惡夢
無論係幾個月大嘅BB或幾歲嘅小朋友，都會發惡夢（但同我哋想像嘅可能好唔同），而夜驚一般只會發生喺3-8歲嘅小朋友身上，而且以男仔區多。
相關文章：囝囝成日夜醒爆喊，係咪發惡夢
6) 大人回應得太快
你知道嗎？研究指出，當BB喺3個月大時，能夠有幾分鐘時間去嘗試自己瞓返，佢哋去到12個月大時，能夠一覺瞓到天光嘅機會高咗好多！
相關文章：親餵母乳嘅BB半夜係咪一定醒得密啲?
7) 習慣要人抱住搖住至瞓到
呢種協助BB入睡嘅方式，稱為sleep props，BB自小習慣咗呢種入睡方式，就會將搖晃嘅感覺，同睡眠連埋一齊，形式關聯。於是，每次醒咗都必須再次借助搖晃嘅感覺，至可以再瞓得返...
相關文章：要抱至肯瞓，係咪寵壞咗？
8) 就寢時間唔理想
好多小朋友出現睡眠問題，主要原因就係夜晚太遲瞓覺，攰得滯所以瞓得唔好。但係，就算定咗晚晚8點瞓，都仍然有可能會夜晚驚醒大喊㗎！
相關文章：每晚定時定候瞓, 可能會導致夜醒早醒！
以上幾點，係BB夜醒大喊最常見嘅原因。
想知道多啲？即刻收睇Dolce Sleepers免費工作坊啦！
