從夜醒尖叫到安穩入睡，一個小時改變，10分鐘成功入睡，穩睡1.5小時

【個案分享：BB抱住哄睡放唔低，半夜1-2個鐘夜醒尖叫，早醒+厭奶】

上星期收到一個求救SOS ，Tracy媽媽每日都要抱住BB氹佢瞓，但一放低5-10分鐘就醒。

佢自己上網搵資料，嘗試跟awake window（清醒時間）去制定時間表。

情況雖然有啲改善，但冇幾耐，作息又再開始混亂，嚴重時半夜1-2個鐘就醒，有時甚至凌晨5點幾早醒 ..

跟住情況急轉直下，連抱住哄睡都難，亦都完全放唔低。

夜晚幾經辛苦瞓著咗，但又係5-10分鐘即醒，仲要尖叫大喊，手瞓亂fing咁...

有時又會半夜醒大半個鐘，甚至出現厭奶嘅情況

Tracy媽媽面對緊嘅情況，係咪同你好相似呢？

9成面對BB睡眠問題嘅家庭，都係以上呢幾個情況（入睡困難+抱住放唔低+夜醒+早醒）

而搵得我求救，好多時媽咪爹哋其實已經喺網上睇過資料，試過自己做調整，但仍然無法完全解決...

邊度出咗問題呢？

當然，作息時間編排未如理想係最常見嘅一點，尤其喺6-8個月，BB每日多數仍然要瞓3個nap，要掌握好開始哄睡／放床時間絕非易事。

淨係睇清醒時間並不足夠！

加上BB進入3-2轉覺期同8個月睡眠倒退期，日頭就更難入睡，夜晚亦好易overtired不瞓夜醒

抱住BB不斷又拍又搖亦未必幫到BB

再者，本來諗住捱過頭6個月，就可以有覺好瞓，點知比初生時期更差...

6-9個月呢個階段，可以話係最痛苦嘅一個時期！

我同Tracy媽媽分析咗個情況，畀佢知道其實佢所面對嘅問題係好common嘅事。

BB瞓得唔好，絕對唔係媽媽有乜嘢未做得好（我相信所有父母已盡力做到最好 ），亦未必係BB有乜嘢特別情況，或特別難攪。

Tracy媽媽需要嘅，只係更深入瞭解嬰幼兒睡眠究竟係點嘅一回事，以及調整自己嘅心態（you are not alone!）

Tracy媽媽本來想約一對一諮詢，不過我建議佢先報課程，喺 zoom新學員歡迎會 同我初步傾吓BB情況先（課程包括15分鐘一對一諮詢 ）。

過咗2日，就收到Tracy媽媽嘅update：

「Join左你哋課程，雖然未睇晒... 同Catherine 傾過一次計，睇左少少學員group 嘅post已經覺得非常之informative！

話說阿女已經有好多日嘅nap2都係扭計，手腳狂Fing唔願瞓同喊... 無論拍佢，掃眉心定噓佢...

不斷抱起又放低，都搞好耐先搞到佢瞓

即使我係隔離一齊陪瞓佢... 中間都會扎幾次..然後30-45分鐘就會扎醒… 大喊... Even抱睡都未必瞓得番...

我一郁少少就喊... 連坐都唔俾我坐... 有時我都攰到喊出黎… 每一次入房前都會心跳加速

我今日諗起曾經睇過你哋呢個post （留言有link）

我第一次嘗試合埋眼... 淨係輕力摸住阿女膊頭同大脾，一路深呼吸 ，好細聲咁噓…

心同自己講要冷靜

阿女佢喊左一陣… 就慢慢靜左落嚟…

幾乎瞓著時跌左奶嘴又喊左一輪... 我執番奶嘴繼續唔俾反應，只係摸住佢... 佢喊左好短時間就瞓左

整個過程大概10分鐘多啲！

我依然隔離陪瞓… 奇蹟地佢呢一覺瞓得好安穩… 竟然瞓到差不多1個半鐘... 好感動

繼續努力地搵緊最啱佢嘅時間表…希望唔會每次nap都打仗咁」