囝囝成日夜醒爆喊，係咪發惡夢？

「囝囝成日半夜醒咗即刻爆喊，好似嚇親好驚咁，係咪發惡夢？聽人講有樣嘢叫夜驚，有乜嘢分別呢？」

以下為夜驚及惡夢嘅主要分別：

無論係幾個月大嘅BB或幾歲嘅小朋友，都會發惡夢（但同我哋想像嘅可能好唔同），而夜驚一般只會發生喺3-8歲嘅小朋友身上，而且以男仔區多。

此外，夜驚通常發生喺小朋友熟睡時期，一般係瞓著之後嘅兩三個小時內。小朋友會冇意識地尖叫，而且無論你做乜嘢佢都唔會畀反應，之後會自己再次入睡，事後亦唔會記得發生過乜嘢事。

惡夢通常發生喺清晨時份，小朋友事後仍然能夠記得夢境，同埋好驚嘅感覺，而且醒後好多時會唔能夠再次入睡。

處理夜驚嘅方法，首先是唔好嘗試叫醒小朋友，因為咁做好可能會令情況更加嚴重。你只需要陪住喺佢身邊，確保佢唔會受傷就得。此外，固定嘅睡眠作息，減少疲勞過度或興奮過度嘅情況，都能夠有助減少夜驚發作嘅頻密程度。

至於處理惡夢嘅方法，應著重喺協助小朋友減輕壓力，解除焦慮，認同和肯定佢嘅感受等，令佢能夠放鬆同安心啲。而且必須喺臨瞓前兩小時，嚴禁睇電視或玩電子遊戲，令大腦唔會受到過份刺激，影響睡眠質素。

需要進一步建議？Diagnostic電話諮詢計劃適合你。正向睡眠顧問Catherine會親自同你分析小朋友瞓得唔好嘅原因，計劃包括一次45分鐘電話諮詢，及5天FB messenger跟進。