對於2歲以上嘅小朋友，用遊戲嘅方式去令佢哋合作，最易得到成功

孖仔房外面有個書架，最近我買咗套小朋友版百科全書畀佢哋，於是兩個臨瞓前成日走去掀書。

今晚攪掂咗孖仔A，擰轉頭見到孖仔F又喺度睇本有關埃及嘅書（早排學校一連2星期都喺度做關於埃及嘅project，於是孖仔兩個一日到晚喺度 Tutankhamun Tutankhamun）

於是，我靈機一觸，拎住孖仔F嘅兩個陪睡公仔 - ironman同熊熊，上演一幕「尋人記」。

熊熊：「F，F，你喺邊度呀？我見唔到你呀！」

一邊講，一邊由孖仔房行去我間房。

孖仔F果然落疊 ，立即回應...

孖仔F：「我喺度呀！」

但我當然繼續扮傻～

熊熊：「F，你喺邊度呀！我見你唔到呀！你要喺張床上面我至見到你㗎！」

一邊講一邊入返孖仔房，F放低本書入返房，仲一下就跳咗上床。

孖仔F：「我喺度呀！你見到我未呀？」

熊熊：「我見到嘞！抱抱 ！」

然後我將兩個公仔放返喺佢手上，攪掂！

對於2歲以上嘅小朋友，用遊戲嘅方式去令佢哋合作，最易得到成功！

#自己心情好

#至有心情扮鬼扮馬

唔想錯過正向睡眠及教養文章分享，立即加入whatsapp群組啦！