想囝囝囡囡聽你講嘢, 唔係大聲就得

想囝囝囡囡聽你講嘢，唔係大聲就得。

我以前係學唱歌劇嘅，要大聲我可以好大聲 （唔駛用咪 ），不過孖仔都一樣唔會畀反應

所以，希望小朋友聽你講嘢，重點係：

- 幾時講
- 點樣講

尤其是叫小朋友去準備瞓覺。

當佢哋玩到興高采烈，你講乜都只會當耳邊風...

如果你出手停止佢，跟住嘅只會係尖叫同淚水...

咁可以點做呢？

有媽咪同我分享過，佢哋會請小朋友同玩具講拜拜，成為睡前儀式嘅第一步。

要成功用到呢招，你嘅做法同語氣好重要。

如果你以命令嘅語氣去講，一樣唔會work囉！

你必須要行埋去你囝囝囡囡身邊，踎低或坐低喺隔離join佢。

你可以表示見佢玩得好開心，然後畀啲時間佢回應你，同你分享佢嘅喜悅。

咁樣做，至能夠同囝囝囡囡connect到，佢至會聽到你講嘢。

然後，再請佢同玩具講拜拜，畀佢慢慢去抽離玩嘅狀態。

重點係畀佢覺得，你唔係命令緊佢，而係希望佢同你合作，甚至畀佢有in charge嘅感覺（例如先同邊件玩具講拜拜，點樣處理件玩具等）。

咁樣，自然能夠避開場角力賽啦！

記住，Kids will do well if they can. ~Dr. Ross Greene

小朋友其實好想做好一件事，好想同你合作，好想幫你手㗎！只要你唔好預先同佢宣戰