唔注重睡前儀式，睡眠問題會繼續纏繞你！

如果你想要一個trick，令囝囝囡囡瞓得好，睡前儀式就係你嘅答案。

好多媽咪爹哋會忽略睡前儀式嘅重要性，連我幫佢哋執好咗個步驟，只需要跟住做，都唔係人人會有心去做好...

我成日都話，令囝囝囡囡鍾意瞓覺係好重要嘅事。

就算貪玩口講唔想瞓，最後身體都會好誠實瞓低，就係因為小朋友本身對瞓覺呢件事冇抗拒感，自然就能夠喺感受到有睡意嘅時候，輕鬆入睡。

但如果睡前儀式冇做好，次次都要大喊，次次都有一番掙扎，小朋友就唔會聆聽到自己身體嘅需要，無法自然入睡

尤其是，你希望同囝囝囡囡戒奶睡抱睡陪睡嘅話，睡前儀式絕對能夠大大減少掙扎（其他安睡因素當然亦要做好）

一位報讀咗「睡眠調整全面睇」嘅媽咪，就係好用心去度好成套睡前儀式，幾日就已經順利令囝囝由奶睡改為床上入睡：

Alice媽媽：

好多謝 Catherine 一直細心解答問題，由follow page 到workshop, 我學到好多嘢，同埋了解多咗小朋友心理，減少咗哄睡方面嘅壓力。

喺呢個兩星期小朋友晚間睡眠有好大進步，由奶睡＋夜瞓＋夜醒，進步到而家可以放床仔拖手入睡，喺床仔15分鐘度就已經瞓著，同埋少咗夜醒（只有一兩晚接唔到覺喺半夜12點幾喊，輕輕講「媽媽喺度」，就可以瞓返，以前要輕拍一陣），簡直係媽媽嘅救星

本身係所有所謂睡前儀式同時做（包括著睡袋+刷牙+睇書）之後熄燈食奶，而家仔細分開做：

換片順便換睡衣
去廁所刷牙
入睡房爸爸幫手著睡袋
爸爸攬攬抱抱say goodnight之後離開房
叫佢自己埋嚟媽咪度食奶
食完自己㨂書睇
睇完自己熄燈
抱起輕聲講今日做咗咩（主要講佢知咁咁咁做晒啦，下一步就瞓覺）
然後話佢知放床仔瞓，媽媽會陪佢
say goodnight + kiss
拖住瞓

頭一兩日用多啲時間會抱佢同佢喺床仔都會扭抱，但第三日神奇地一放床仔就自己攤喺度啜手指幫自己瞓，我一直輕輕咁拖/掂住佢。尋晚試到佢未瞓著同佢講我會坐喺度陪佢，就唔洗掂住瞓。

如果你同囝囝囡囡喺睡前儀式上，成日都有好大掙扎，唔知點樣解決嘅話，你有3個選擇：

1) 由得佢
2) 搵我做單次諮詢傾傾
3) 報讀睡眠調整全面睇

你自己揀啦！