睡前儀式都需要創意㗎！

睡前儀式，話明係 「儀式」，所以應該每日都一模一樣，一定唔可以改。

錯！

當然，如果做開嗰套work嘅，能令BB愉快入睡，咁梗係唔駛改。

但如果BB每晚做睡前儀式時都會喊，咁你仲繼續執行同一套儀式，明知會trigger到BB喊，都仲繼續去做，咁有乜嘢意義呢？

而且，當BB逐漸長大，睡眠儀式要按照需要去作出調整，都好正常呀！

所以，千祈唔好諗住定咗套睡前儀式就唔可以改。

尤其是啱啱開始做，但有啲位唔順嘅話，就改啦！

如果明知你一放低BB喺床同佢著睡袋就會喊 ，咁就試吓畀佢坐喺你大脾著，或者可以改早啲至著呀！

如果明知放床後熄燈佢會喊，就試吓抱住佢熄咗燈至放床啦！

要順利執行睡前儀式，令囝囝囡囡愉快入睡，好多時其實需要一啲創意，要think out of the box。

好多時只係調動吓啲步驟，或者改個地點做，已經可以避免trigger到BB，令佢唔會咁抗拒㗎嘞！

記住，想囝囝囡囡瞓得好，要佢鍾意瞓覺至得，睡前儀式嘅目的就係令佢能夠安心舒服呀