點解每次做睡前儀式ＢＢ都唔合作呢？

每次同囝囝囡囡準備瞓覺，你心情係點呢？

- 難得嘅親子時間，要玩到好興奮？

- 例行公事，快手攪掂，掉佢落床？

- 頭痛唔知又要攪幾耐至肯瞓？

以上幾個心態，其實都唔係咁理想呀...

睡前儀式嘅目的，係畀BB知道要準備瞓覺。

既然係要瞓覺，就應該要平靜放鬆。

營造一個平靜安穩嘅睡眠環境，冇過多外在刺激，例如玩具、電視/手機、燈光，和房外噪音等，非常重要

同BB入房前，亦應該預先調暗房內燈光，開定冷氣，減少四周環境可能對BB造成嘅刺激

我哋要以緩慢及輕鬆嘅態度，全心全意去同BB相處，享受呢段親密嘅時光

你可以一邊進行儀式，一邊話畀BB聽你做緊嘅動作，咁做亦對BB嘅言語發展有益處

當你進行儀式時，BB好可能會分心望住第二樣嘢，甚至想爬走玩（尤其換片嗰時 ）

BB專注力短，所以係好正常嘅事嚟呀！

呢個時候，要保持耐性，先順住BB嘅目光，觀察及瞭解有乜嘢吸引住佢，然後再慢慢帶領返佢嘅注意力去睡前儀式度。

即係點做？睇吓呢條片啦！