瞓前睇本書，會瞓得好啲嗎?

好多人以為，睡前儀式即係要同囝囝囡囡睇書講故仔，其實唔一定㗎！

睡前儀式嘅意思，係要每晚都以同一個次序去做一系列準備入睡嘅活動，包括入房、閂門、換片、餵奶、熄燈、開白噪音等等。

係呀，細微到幾時閂門熄燈，都要定埋個次序㗎！

尤其係月齡細嘅BB，好容易受到刺激。

所以，必須一步一步慢慢去做，至能夠令BB明白到做完A做B，做埋C跟住就會瞓覺，成為習慣就自然會安心，願意合作去準備入睡

係呀！由BB出世返屋企開始，其實已經可以開始睡前儀式，但就千祈唔好同佢臨瞓之前睇書嘞...

因為，初生BB清醒時間好短，冇時間攪咁多嘢

而且，書其實對大腦會造成好大刺激，有啲小朋友仲會越睇越興奮，睇完一本又要第二本...

另外仲有一點好重要嘅係，睡前儀式係培養親子關係嘅好時機，所以同你囝囝囡囡保持住connection非常重要。

如果你有你講故事，囝囝囡囡就自己行嚟行去玩，甚至可能一直大喊，咁都會失去咗睡前儀式嘅意義...

呢個星期，我會同大家深入啲去講解有關睡前儀式嘅種種注意事項，可能同你想像中會差好遠！