我真係超鍾意瞓覺呀!

瞓覺本來應該係放鬆嘅事，而且正正係因為好放鬆，所以至能夠好好入睡。

身為父母，如果我哋自己都認為瞓覺並非一件愉快嘅事，甚至係令人擔心或苦惱嘅事的話...

例如你會覺得：

「慘慘豬，冇得玩，至去瞓覺嘞 」;

「又夠鐘瞓覺，今晚唔知又要攪幾耐 」;

「你好攰嘞，快啲即刻去瞓覺啦 」（好唔耐煩嘅語氣）

呢啲負面嘅態度，都會令你囝囝囡囡對於瞓覺產生不安及抗拒感，更加唔願意合作去瞓覺

RIE育兒法 創辦人Magda Gerber講過：

「你的目標，是為孩子養成良好的睡眠習慣。

最簡單的方法，是為孩子定下有規律的作息和活動安排。

當孩子能夠預料得到，吃完奶之後會有戶外活動時間，以及睡覺前會先洗澡，他也可以預料得到何時該上床就寢，甚至對終於能上床休息而感到高興。」

最近我深深感受到呢句說話嘅真確性。

因為孖仔F呢幾日食飯前都會問我，食完飯之後會做乜嘢

我會好順口咁講：

「刷牙洗面換衫瞓覺囉！」

然後佢就會好開心咁講：

「好嘢！終於有得瞓覺嘞！」

今晚，佢一入房就跳咗上床，喺度話：

「我真係超---鍾意瞓覺呀！」