3個小轉變，同BB建立更親密關係
追開Dolce Sleepers嘅媽咪爹哋都知道，除咗健康睡眠，我更hard sell RIE育兒法
呢套育兒法嘅基礎，係視BB為完整嘅個體，有佢嘅思想、感情、喜好等。
所以，BB亦應該獲得尊重（例如抱起BB前會先同佢講，唔會從後一下就抱起）
係呀！雖然初生BB未識講嘢，但我哋都會照同佢哋講嘢，同BB溝通，亦會畀時間佢去回應（RIE稱為tarry time，第日有機會再同大家深入啲講解 ）。
BB其實係能夠從我哋嘅語氣、表情，同身體語言得，明白到我哋嘅用意。
當你每次做同一個動作時，都會講同一句說話，久而久之BB就會明白呢句說話嘅意思，儲入佢嘅超級大腦。
有一日，當BB能夠發出呢啲聲音，就會講出嚟嚇你一跳
所以，同BB講多啲嘢，特別係配合埋動作、有意義嘅說話，對BB嘅言語發展係非常有好處㗎！
講返琴日誤出咗嗰篇英文文章，內容係一位喺NICU照顧BB嘅護士嘅分享。
當佢用RIE育兒法去同BB溝通，佢發現自己更容易保持冷靜，同時間BB嘅情緒亦都更加平靜！
而且，BB嘅專注力亦都長好多，安於自己 #獨玩，唔會成日大喊要人抱或回應。
而呢位護士以前照顧過嘅BB，當佢哋長大後，見返呢位護士都顯得特別親切
到底呢位護士用咗乜嘢RIE魔法呢？
1) 同BB預告即將會發生嘅事，包括會令BB覺得唔舒服嘅檢查，都唔會因為怕佢反抗，而偷偷地快手做咗佢就算
2) 喺餵奶或換片等caregiving活動嘅時候，會全心全意注視住BB，唔會同時做其他嘢
3) 畀BB自己作主導，選擇想點樣玩，同埋幾時及點樣同大人互動
"Healing Babies With Respect – 3 Small Changes That Foster Confidence And Trust" 呢篇文，我save低咗好耐，諗住簡單翻譯成中文，再同大家分享
☆☆☆
嬰幼兒睡眠顧問 Catherine
#全港首位本地嬰幼兒睡眠顧問 ‧ #RIE育兒法專業課程畢業生 ‧ #孖仔媽媽
網上課程 / 電話諮詢 / 免費資源分享
喺我嘅認知之中，RIE育兒法 同 5S安撫法喺育兒理念上非常唔同。 因為5S安撫法只視嬰兒為「物件」，而且只著重於停止哭泣，同RIE尊重BB為一個完整嘅人，建議觀察及聆聽BB需要嘅心態有抵觸 🤔
這份清單是一份很實用的工具，助你於照顧孩子時（e.g. 餵奶／換片／沖涼等），記得要以 尊重 及 高品質溝通 為重點，而非單單視為例行公事。
當你一味去諗點樣令BB瞓覺，就會忽略咗好多周邊嘅直接與非直接問題。 講緊嘅唔單止係：間房夠唔夠黑BB夠唔夠飽日頭活動量係咪足夠等等呢啲表面問題。 講緊嘅係你同BB嘅關係、你哋嘅溝通方式、大人係咪能夠明白同follow到BB嘅真正需要、係咪喺有需要時會take charge...
好多媽咪爹哋都習慣，喺小朋友瞓覺前同佢一齊玩，或者睇吓書，作為親子時間。到底，臨瞓前係咪一定要有親子時間呢？係咪陪咗佢就能夠令小朋友大個時乖啲呢？我咁睇 -- 其實唔單止瞓覺之前，平時小朋友都需要得到我哋100%專注嘅一對一時間。呢個係心理上嘅需要，令BB/小朋友覺得自己被重視，被愛。
將心比己，會發現我哋對小朋友嘅要求，有時比自己更嚴格…
香港家庭其中一個好獨有嘅問題，就係工時長，而且父母都要返工，唯有將BB交畀長輩或工人姐姐照顧。對睡眠嚟講，最大嘅影響肯定係就寢時間。
琴日睇到一篇文章，最後一段實在太優美，必須要同各位媽咪分享
好多人會認為，設限只係為咗制止小朋友攪攪震，所以要板起塊面好惡咁話佢至得。但呢個心態，實際上只係用恐嚇嘅方式，希望小朋友會聽話。
