Ka Yan媽媽：當佢沖完涼，佢會自動去搵爸爸玩，跟住同我講：「媽媽沖涼，拜拜媽媽」。到我沖完涼去佢房時，佢一見到我就會自動同爸爸講：「拜拜爸爸」。我覺得睡眠儀式嘅建立真係好重要！！

喺差唔多2年之前，有一位媽咪報讀咗 健康睡眠工作坊，只係一日，當時得 4個月 嘅BB就已經由：

• 小睡需要奶睡或用孭帶

• 都只係瞓得30分鐘

• 而且次次喊嘅時間仲長過瞓覺時間

變成：

• 每次小睡都可以喺安撫下床上入睡

• 喊嘅時間一次比一次短

• 夜晚紮醒後都能夠自己瞓得返

• 4點夜醒都冇喊20分鐘自己瞓返

• 朝早瞓多咗成個鐘！

當時呢位媽媽寫咗篇長文分享，佢睇完課程教學影片之後嘅心得，早排喺免費群組再次貼出嚟，然後收到呢位媽媽嘅update：

Ka Yan媽媽：

「話咁快我仔仔足咗兩歲喇！中間有段時間經歷過睡眠倒退期s、番工、湊仔….忙到冇update大家。我覺得睡眠儀式嘅建立真係好重要！！

我仔仔而家識得講少少短句子，佢仲會提我睡眠儀式要做咩。

我哋更新版嘅睡眠儀式係：佢沖涼、爸爸同佢玩時我去沖涼、到我去佢房時爸爸就會走、我同佢睇書、落床、開白嘈音、熄燈、拖手、瞓覺。

而家當佢沖完涼，佢會自動去搵爸爸玩，跟住同我講「媽媽沖涼，拜拜媽媽」。到我沖完涼去佢房時，佢一見到我就會自動同爸爸講「拜拜爸爸」（頭也不回），跟住會自己揀書去床度同我一齊睇。

到抱佢落床後，有時佢會提我「媽媽開音樂」，之後每次都會講「媽媽拖手手」。

雖然要拖手拖到佢瞓著，但一般佢10分鐘內會瞓著，所以都可以接受，而且我要珍惜佢主動拖我手嘅日子。

Catherine，要再一次多謝你分享嘅兒童睡眠同育兒資訊！」

鍾意瞓覺嘅BB，咪就係會咁囉！