Ka Yan媽媽分享 - 我仔仔天生「應該」唔洗訓咁多？

Ka Yan 媽媽：

「我仔仔聽日就足4個月，由出世以嚟都未試過一日全日瞓到14個鐘。佢8星期大就自己戒咗夜奶，足兩個月嗰陣每晚都瞓到8個鐘以上。」

但係小睡如果唔係躺餵奶睡或者用孭帶，佢最多每次只會瞓到30分鐘左右，仲每次入睡前都喊好耐，喊嘅時間比瞓嘅時間長。見兒科醫生，醫生話仔仔增重正常，又成日笑，應該係天生唔使瞓咁多。雖然醫生咁講，但係小睡次次都喊，好可憐啫！

我透過朋友介紹睇Catherine個page，睇到好多有用資料，參加埋呢個工作坊，兩日睇晒units啲文章，呢幾日會搵機會睇埋最後兩段片。我尋日跟住教材提到嘅幾點改善：

1. 日頭間房都要黑

2. 小睡要瞓番夜晚同一張床

3. 哄睡型式要一致

4. 注意清醒時間

5. 提早夜晚入睡時間

跟住呢幾點，尋日佢雖然小睡次次都喊（放落床未喊架，佢玩一陣想瞓嗰陣先喊；有時係幫佢襟被嗰陣，佢知要瞓覺就喊，一激動仲會捉我隻手入口狂啜同咬。），但係喊完都係自己慢慢瞓著，喊嘅時間仲一次一次咁縮短。

尋晚我早咗做睡眠儀式等佢早啲瞓，20:30左右瞓著。佢開頭成日紮醒，不過好快自己瞓番。到半夜4點醒咗食手指，計一計數瞓咗7.5個鐘，我怕佢就咁就起身，之後即刻開番白嘈音比佢。佢一直平靜自己玩，我冇參與任何嘢，佢自己20分鐘後瞓番著。平時7點左右會醒同叫我架，我諗住尋晚佢早瞓咗應該會早啲起身，但係佢居然瞓到08:15！好耐冇試過！我參加工作坊一心諗住改善小睡嘅啫，但係而家連夜晚都瞓長咗咁多！雖然目前只係試咗一日，都有咁震撼嘅效果！多謝Catherine嘅幫助，BB瞓得好，係對我同BB好好嘅聖誕禮物！希望佢會一直更好！到小睡有進步嗰陣，我再同大家分享！