比起長期睡眠不足，呢個情況可能更痛苦...

「BB大個就自然會瞓得好㗎啦！生得個B出嚟，就預咗要犧牲自己，冇覺好瞓...」

每次聽(睇)到有人咁講，我都覺得好心噏，但無奈好多時只能欲言又止...

係，BB啱啱出世，好多時媽咪都會變mombie*...

但呢個狀況，唔可能長時間撐落去呀

不過，你知道嗎？有個情況，比長期睡眠不足可能更痛苦...

呢個情況就係 -- 飄忽嘅睡眠情況

BB一時一晚醒幾次，一時可能只醒一次，甚至冇醒。

於是，就會覺得，終於變好嘞！

不過，通常過幾個星期，情況又會再度惡化

不斷喺好同壞之間徘徊，不斷喺希望同失望之間掙扎，更加痛苦

因為呢個情況，會令人一直錯過尋求解決方法嘅機會...

我明呀，因為好多時候，啲媽咪搵我問幾句後，見到BB突然瞓得好咗，於是就會冇咗影

有啲媽咪喺我follow up時，至會話我知BB瞓得好咗，諗住再觀察吓先，至再諗係咪需要做諮詢或報讀課程...

但你知唔知道，如果唔去及時面對及處理你囝囝囡囡嘅睡眠問題，一直等，諗住BB大個啲就會慢慢瞓得好，要等到幾時至可能穩定得到，唔會再有反覆出現睡眠問題呢？

德國一項研究顯示，好多家庭要去到小朋友6歲**，至能夠再次有覺好瞓

係呀，好可能仲有排捱㗎

健康睡眠喺香港係一樣好新嘅嘢（我兩年半前開page，係第一個喺香港專門講呢個題目 ），但其實喺外國，睡眠顧問呢個職業冇廿年都有十幾年，所以已經發展出好多唔同嘅理論，有好多基於科學及嬰幼兒心理學嘅方法，去解決BB嘅睡眠問題。

所以，根本係唔需要死頂落去，亦唔需要一直估估吓，落天打卦...

☆☆☆

嬰幼兒睡眠顧問 Catherine

#全港首位本地嬰幼兒睡眠顧問 ‧ #RIE育兒法專業課程畢業生 ‧ #孖仔媽媽

網上課程 / 電話諮詢 / 免費資源分享