睡眠倒退期

當一向好容易入睡，並且瞓得唔錯嘅BB，突然開始唔肯瞓覺，半夜醒咗瞓唔返，又或者唔肯瞓晏覺等，但又冇明顯原因的話，就好可能正經歷緊睡眠倒退期（sleep regression）。

呢個時期一般會維持1-4個星期不等，視乎BB嘅脾性，以及家長嘅處理方式而定。

睡眠倒退期一般會出現5次，喺BB 4/8/12/18/24個月大時發生。

4個月睡眠倒退期
呢次倒退對BB往後嘅睡眠模式有永久性影響。由於BB大腦漸趨成熟，開始喺深淺睡眠週期之間循環，所以好多時會突然開始頻頻半夜驚醒…

伸延閱讀 👉 blog.dolcesleepers.com/blog/4m-regression

8個月睡眠倒退期
有時候亦會喺9/10個月大時至出現，喺這段時期，BB嘅大腦發展極度活躍，好多BB都會喺呢個階段開始學爬或學企，對語言嘅吸收力激增，而且亦開始出牙。以上種種因素，都會令睡眠受到影響。

伸延閱讀 👉 blog.dolcesleepers.com/blog/8m-regression

12個月睡眠倒退期
呢次倒退對小睡嘅情況有較大影響，好多BB會突然開始抗拒第二次小睡，於是家長往往以為BB已經準備好每日只瞓一次晏覺。其實，大部份BB要到 15個月大左右，至能夠支撐得到4小時以上嘅清醒時間㗎！

伸延閱讀 👉 blog.dolcesleepers.com/blog/12m-regression

18個月睡眠倒退期
一歲半係出現分離焦慮嘅第2次高峰時期（第1次係9個月大左右），小朋友對於獨自留喺睡房內，會感到惶恐不安。此外，小朋友個咗，識得say no，會開始測試父母嘅底線。有啲小朋友亦會喺呢個時期，因為出大牙而感到不適，無法安穩入睡。

伸延閱讀 👉 blog.dolcesleepers.com/blog/18m-regression

2歲睡眠倒退期
小朋友能支撐嘅清醒時間越來越長，而且又唔願意錯過任何玩嘅機會，所以好多時都唔肯瞓晏覺。此外，生活上嘅轉變，例如開始返幼兒園、戒尿片、轉小童床，或者做咗哥哥姐姐等情況，對小朋友嘅情緒及習慣會有好大影響，往往就會喺睡眠上表現出嚟。唔好喺呢個時候，畀小朋友停止午睡嘅習慣呀！

伸延閱讀 👉 blog.dolcesleepers.com/blog/2yr-regression

當BB經歷緊睡眠倒退期，無論係大人或BB都好可能會睡眠不足。應該點樣處理這個情況呢? 呢篇文章話你知！