夜醒的處理方式 (媽咪分享)

周不時都會收到有媽咪同我求救，話BB一直瞓得好好哋，突然開始夜醒大喊（有時冇喊喺度玩），要攪好耐至瞓得返，唔知點算好

以下係其中一位幾個月前曾經搵過我做諮詢嘅媽咪，早幾日再搵我傾完後，喺研習班嘅分享

*已得到呢位媽咪嘅批准喺專頁分享

☆☆☆

阿女11個月大，由5個月開始識得自行入睡，自己睡過夜戒夜奶，依家日頭小睡同夜晚大覺都好穩定，就算夜晚醒都會自己訓返。

但今個禮拜突然晚晚差不多時間就醒左跟住企起身喊好耐，我第一反應係覺得好反常，一定唔係普通夜醒咁簡單，所以忍唔住就去抱佢安撫佢，擺低喊再抱起，一搞就係過幾2個鐘，最後頂唔住試埋喂奶，跟住幾晚就變成抱睡同奶睡，打回原形...

好彩Catherine一句點醒左我，「小朋友唔係機械人，一晚半晚瞓得唔好正常嘅。重點係你點樣處理...

我突然意識到其實我一心諗住BB好需要我安撫，同埋係咁認住一向好好地突然咁樣一定唔尋常，好想快d解決問題，但忘記左BB係有能力自己訓返，而阿媽多此一舉反而搞到佢知道晚晚醒左就有人抱，有奶飲上左癮...

今晚BB又黎過，我等左3個字見佢越喊越傷心就叫老公（因為我係主要照顧者，BB特別痴我）入去安撫下、擺低佢跟住就出返黎，然後BB喊多左幾分鐘之後就自己訓平，食住手指自我安撫之後唔夠15分鐘就訓著左了！

其實自己抱住20磅既BB幾晚係度練臂力究竟為咩...

純粹有感而發，同有類似經歷或困惑的爸爸媽媽共勉，要相信BB的能力，也相信自己一路以來既努力不會白費！」