小朋友驚咗瞓覺，睡眠問題會一直纏繞落去

之前講到，如果抱住「BB大個就會瞓得好」 嘅心態，唔去及時正視睡眠問題，分分鐘要等到囝囝囡囡 6 歲，全家人至能夠有覺好瞓

通常大個啲嘅小朋友，夜醒情況或者冇得幾個月時咁慘烈

但我最常收到嘅 ，係小朋友要陪好耐至瞓得著，甚至淨係入房已經要攪好耐，媽咪爹哋叫到發火大鬧，仲笑嘻嘻唔願瞓

小朋友最叻嘅，就係使用拖延戰術。

同細個未識行時唔同，你好難就咁抱起佢帶入房。

而且，小朋友總係有好多唔同嘅原因同「 需要」 ，令你應又唔想，唔回應又唔得...

拖拖吓咁就成個鐘，小朋友攰得滯於是越玩越興奮... 媽咪爹哋可能比小朋友仲早瞓著咗...

me/we time，咩嚟㗎？

其實，唔需要咁辛苦㗎！

小朋友掛住玩唔願瞓係一回事，但如果小朋友對睡眠有負面關聯，成件事會複雜好多...

睡眠問題，雖然轉咗個情況，但係繼續纏繞住成家人，仍然冇覺好瞓... 可能去到6歲呀陰功

唔想咁嘅話，趁早令BB明白到，瞓覺係一件舒服嘅事，係一件開心嘅事，好重要㗎！

☆☆☆

嬰幼兒睡眠顧問 Catherine

#全港首位本地嬰幼兒睡眠顧問 ‧ #RIE育兒法專業課程畢業生 ‧ #孖仔媽媽

網上課程 / 電話諮詢 / 免費資源分享