所謂嘅睡眠問題，其實只係大人嘅期望同BB嘅情況有差距
睇得呢個blog嘅你，一定好關心你BB嘅睡眠情況
喺同超過450位媽咪爹哋做電話諮詢傾佢哋BB嘅睡眠問題，加上兩年嚟差唔多每日寫一篇文章之後，我醒覺到...
其實，所謂睡眠問題，並非真係一個問題。
其實，只係大人嘅期望，同BB嘅情況，兩者之間有差距。
差距越大，失望及沮喪感越重，掙扎自然越大，越辛苦。
而呢個差距，好多時係出於愛
因為愛BB，想畀到最好嘅佢。
因為愛BB，所以唔想令BB唔開心。
因為愛BB，於是令到自己陷入兩難嘅局面...
湊BB並冇一條方程式，跟住做就得。
每個人對點為之 「好」，都有唔同嘅定義。
而且，每個人嘅諗法，都會隨住時間及經驗而慢慢改變。
而家覺得OK嘅事，過2個月可能會後悔...
而家覺得唔想做嘅事，過2個月可能恨不得早啲開始...
所以，好多時，我都會同啲媽咪爹哋講：
「你覺得咁樣做，會畀咗乜嘢訊息BB呢？之後個情況你覺得會點樣發展呢？」
「你對於而家呢個情況，覺得有需要急切得到改善，定係暫時頂住先，做好其他部份至再諗呢？」
「最重要嘅係，你有足夠心力去做改變嗎？」
早前有一個研究*發現，英美父母每日平均用5小時25分鐘去氹BB瞓覺
一日至得24小時，氹BB瞓覺好多時仲要又行又拍，忙得不得了...
當BB終於瞓咗，大人都已經冇晒力又冇晒精神，仲點能夠仲去諗同做更多嘢呢...
又或者話，就算一時三刻能夠行前一步去改變，但撐到幾耐呢？
所以，好多嘢其實都需要天時地利人和。
而且，唔好諗住要一步登天。
逐步嚟，拆開成件事嚟一步步去做。
做好一點先，得到改善，儲吓氣，然後至再繼續行落去。
☆☆☆
嬰幼兒睡眠顧問 Catherine
#全港首位本地嬰幼兒睡眠顧問 ‧ #RIE育兒法專業課程畢業生 ‧ #孖仔媽媽
網上課程 / 電話諮詢 / 免費資源分享
將心比己，會發現我哋對小朋友嘅要求，有時比自己更嚴格…
其實，所謂睡眠問題，並非真係一個問題，只係大人嘅期望，同BB嘅情況，兩者之間有差距。差距越大，失望及沮喪感越重，掙扎自然越大，越辛苦。
想囝囝囡囡聽你講嘢，唔係大聲就得。 我以前係學唱歌劇嘅，要大聲我可以好大聲，不過孖仔都一樣唔會畀反應…
👩🏻 我哋而家入房瞓覺嘞，好唔好?
🧒🏻 唔好!
👩🏻 😑 ..............
以上呢個情境，係咪每日都喺你屋企發生呢？
囡囡3歲嘞，點同佢解釋，佢需要開始學自己瞓覺，但爸爸媽媽可以喺隔離房一齊瞓？
今日想同大家講講，我對於嬰幼兒睡眠嘅理念
睡眠問題：小睡過短、入睡困難、早醒夜醒
BB其實係能夠從我哋嘅語氣、表情，同身體語言得，明白到我哋嘅用意。當你每次做同一個動作時，都會講同一句說話，久而久之BB就會明白呢句說話嘅意思，儲入佢嘅超級大腦。