琴日收到一封超有愛嘅感謝文

琴日收到一封超有愛 嘅感謝文~~~

得到批准貼出嚟，同大家分享我嘅喜悅

全文：

「Hello Catherine,

十分喜歡聽你嘅講座！

因為育兒理念想似，可以得到好多共鳴，覺得終於有人明白我作為媽媽內心嘅（茅盾）感覺（仲要係個專家！）令我覺得 I can do it!! 有信心我會做到，因為唔係書嘅理論，而係一個媽媽分享緊佢嘅做法，而哩套做法已經幫咗好多人，感覺親切好多⋯

最飲恨嘅係我當年生大仔時⋯你未開始做睡眠顧問

所講湊大仔時係亂七八糟咁湊大咗（3歲半），當年亦只有一啲外國sleep trainer， 我覺得唔係咁適合我嘅理念所以無搵佢哋幫手⋯自學亦學到得半桶水⋯唔知邊套先啱洗咁...

而依家細囡⋯識到你真係好幸運！一早好舒服咁學你分享果一套！仲要十分有效！

你講talk嘅時候果種輕鬆而又實在嘅風格好好，唔會一副「我依家係present緊壇野俾你哋班父母知，淨係睇到一堆information 文字⋯數據上係點，所以你哋父母係要咁咁咁做嘅，你哋做唔到我都無計！」

例如你表達你對孖仔都會點樣唔聽話/ 你會點樣爆炸法⋯⋯覺得你係個以「媽媽」身份同我哋分享多過「講師」教緊我哋點做啲死版嘅文字知識！

你嘅文章都同樣好吸引！完全唔悶！

因我好怕睇育兒書⋯成日都係一篇文字理論+一個外國名小朋友例子⋯悶到覺得好唔夠真實⋯無心機睇⋯

依家作為2孩媽⋯同時湊2個不同年紀，需求極不同嘅小朋友，亦係一個大挑戰⋯

加上無工人姐姐，長期要1打2⋯

希望喺你嘅文章同講座上學到更多！

Jannica」

☆☆☆

嬰幼兒睡眠顧問 Catherine

#全港首位本地嬰幼兒睡眠顧問 ‧ #RIE育兒法專業課程畢業生 ‧ #孖仔媽媽

網上課程 / 電話諮詢 / 免費資源分享