BB明明好早就戒咗夜奶，但去到4-5個月大，每晚半夜仍然醒好耐，或每兩個鐘喊醒、或者一路瞓一路叫？

BB明明好早就戒咗夜奶，但去到4-5個月大，每晚半夜仍然醒好耐，或每兩個鐘喊醒、或者一路瞓一路叫？

You are not alone！

Ginny媽媽嘅BB喺出世後，就算戒咗夜奶都仍然瞓得唔好，去到BB大概5-6個月大時，意識到睡眠問題嘅嚴重性，於是決心做返好

佢係一位好勤力同用心嘅媽媽，每個星期嘅學員Q&A，都見到佢問問題，仲要次次都好長篇

但同時，從佢嘅問題中，亦見到佢同BB嘅一直都有進展，最後成功令BB鍾意咗瞓覺，能夠安心喺床仔玩完自己瞓 （仲要係好多媽媽都好怕嘅日間小睡！）

Ginny媽媽嘅分享：

新手爸媽乜都唔識 本身對BB睡眠冇咩概念，BB初生以來一直都瞓得少，可以成個下晝唔瞓覺...

明明兩個月時戒咗夜奶，去到5、6個月有時夜晚會醒好耐，就算瞓到，都會每兩個鐘喊醒、或者一路瞓一路叫，搞到大家睡眠質素都唔好，身為雙職父母，第日仲要返工真係好攰...

朋友其實係我懷孕時已經介紹咗Dolce sleepers比我，去到BB 5-6月我先睇吓上網啲blog ，了解多咗。

到BB 7個月大時，join左 睡眠調整全面睇，慢慢跟住做，好快已經減少咗佢夜醒次數！

由一晚3-4次，去到1次；用一星期戒咗抱睡，再用一星期戒奶嘴，依家佢只需要一張被仔瞓覺

呢幾個月除咗大家瞓得好咗，更重要嘅係學識點樣同BB溝通，了解佢嘅睡眠同埋心理需要。

哄睡嘅過程由初初好驚，唔知要搞幾耐，去到而家變咗好親密嘅親子時間。

BB有咗routine ，亦有安全感咗！

雖然而家BB有時候都會夜醒，但係我地而家會冇咁不知所措，知道有咩可以做，有咩唔需要做。亦會嘗試了解多少少佢喊或者瞓唔到嘅原因，配合consistent 地處理，夜醒問題慢慢有改善。而工人姐姐見到有成效，亦可以跟住做到。

呢幾個月發現，要對BB有信心，放手比BB嘗試。同時，因為作出改變，對BB嚟講係唔容易，要表達體諒，欣賞佢嘅努力，相信BB係絕對可以做到！

多謝Catherine成日解答我嘅問題！我地會繼續努力，令BB瞓得好，瞓得安心

P.S. 好多人以為，要瞓覺就應該靜靜地瞓低，唔好郁唔好講嘢，咁至瞓得著。其實，3歲前嘅BB，佢哋係唔會同你合埋眼等瞓著㗎！

如果你見BB似乎喺度玩唔願瞓，就走去抱佢氹佢瞓，其實好可能反而騷擾BB自己嘅［睡前儀式］

唔想錯過正向睡眠及教養文章分享，立即加入whatsapp群組啦！