成個過程好似係佢教我點去安撫佢瞓咁！好神奇！

Baby knows best

其實，BB知道自己嘅需要，亦都會努力去話畀我哋知道。

問題就在於，我哋係咪能夠細心有耐性去觀察及聆聽，同埋有冇畀時間同空間BB去向我哋表達。

Christina媽媽同我分享佢由奶睡改為陪睡嘅過程，佢囡囡仲教佢點樣安撫自己入睡添

當你同BB保持住connection，其實就算做改變，都可以係一件好輕鬆自然嘅事，令你囝囝囡囡能夠無痛咁自然入睡㗎！

得到同意，同大家分享Christina媽媽嘅感想：

「早兩日係討論區問過睡眠問題，改左作息時間… 都無用揹帶，因為你話唔理想。

諗住手抱啦，佢又唔鐘意，係要落床，咁由佢啦… 過左幾個字，佢靜落黎瞓低之後，無啦啦捉住我隻手，放佢頭到摸。

我以為佢想我係咁以摸下啦，之後佢又捉住我由頭頂向後掃，咁我就順佢意，掃左陣，佢就瞓著左

成個過程好似係佢教我點去安撫佢瞓咁！好神奇！thx so much!

同埋第一晚打風，佢頭兩次係被嘈醒，嘗試唔餵奶，到12點第二轉先比奶食，就瞓到3點幾先再醒，無平時醒咁多次

今日19:30先比BB瞓，用左20分鐘就瞓到，又進步左啦

不過半個鐘就比屋企既長老整跌野嘈醒

見佢無企起身我就係床邊講：「我係度丫。」

之後佢瞓返低，我都瞓係大人床陪佢瞓，佢係床欄伸隻手出黎，我就比隻手佢，佢就攬住鴨鴨公仔再輕輕捉住我，感覺超有愛

以前佢夜晚喊醒，我只會用奶睡，原來唔一定要奶睡，佢都可以好平靜咁瞓返

BB每日都有新驚喜比我！」

P.S. 文中提到嘅討論區，係指網上課程「睡眠調整全面睇」嘅互助討論區，課程入面有教2種較為溫和嘅戒奶睡抱睡方法。