出牙會影響睡眠嗎？

會。但只會持續幾日。

出牙的確會引起不適，但並非所有ＢＢ都會受到明顯影響。

而且，出牙嘅徵兆一般會喺牙齒長出來前兩日出現，過三日就會消失。

所以，出牙本身並唔會對睡眠造成長期干擾。

如果ＢＢ表現出明顯嘅出牙徵兆，例如肚瀉、牙齦紅腫，以及流大量口水等，你可以畀一啲冰凍嘅物件佢咬，例如可放入雪櫃嘅牙膠，或雪硬嘅濕紗布巾等。

如有需要，可向兒科醫生查詢合適嘅藥物，以減輕症狀。

當出牙嘅不適感退卻後，ＢＢ就應該會回復之前嘅睡眠狀況，無須我哋作出任何改變。

若果ＢＢ夜醒嘅情況超過一星期，咁就應該唔係出牙嘅緣故，而係受到其他原因影響嘞！