點解BB半夜3點成日醒，同埋咁難瞓得返？

琴日講到， 夜醒其實並非一個睡眠問題，夜醒瞓唔返至係問題

文章最後問大家，有冇發現BB總係半夜3點後較難瞓得返，好多媽咪爹哋都舉手話想知點解會係咁

其實，唔單止可以估計到3點後難瞓返，好多BB喺11-12點呢個階段（7-8點瞓嘅話），亦都經常會醒，不過通常比較易瞓得返咁解。

點解會咁㗎呢？

答案都係：睡眠周期

琴日都有講，喺全晚幾個睡眠周期轉換之間，我哋都會醒一醒。

而呢幾個睡眠周期，簡單嚟講，有深淺之分。

初生BB嘅深淺睡眠各佔一半，而去到3-5個月，就會發展成接近大人咁嘅睡眠模式（即係所謂嘅4個月睡眠倒退期），我哋亦會開始可以預計得到BB日頭同夜晚會瞓成點。

如果BB冇積累睡眠債，睡眠質素好的話，一開始瞓著，會有3-4小時嘅深層睡眠。

喺呢3-4小時，BB會瞓得好冧，就算係放煙花都唔會被嘈聲

但當呢段深層睡眠完結，BB就會出現第一次夜醒，即係頭先話11-12點呢個時段。

通常呢個亦係大人要瞓覺嘅時間，所以同BB同房的話，就有機會會嘈醒BB

唔想騷擾到BB嘅話，咁大人就要早啲入房瞓嘞

過咗12點後，BB會經過幾段相對淺嘅睡眠周期，如果BB習慣抱睡或奶睡，或者其他需要依賴大人至得嘅入睡方式，就會好容易因為feel到唔對路而醒咗大喊嘞

去到3-5點，淺睡眠期更頻密（即係更易醒），加上睡眠荷爾蒙水平已經好低，所以醒咗亦會更難瞓得返。

最後，喺臨醒之前，BB會經過最後一段深層睡眠。如果你BB通常瞓得9個鐘就醒，就係欠缺咗呢段睡眠時間，於是叉唔足電嘞...

好嘞，講咗咁耐，究竟點至可以令BB夜醒可以自己瞓得返呢？

除咗要調整好作息時間表，避免琴日提到 undertired 或 overtired 嘅情況之外，另一個重點，就係要避免BB入睡後出現睡環境轉變。

即係，BB入睡時係點嘅狀態，就要一直保持到佢醒為止。

係，即係要畀BB喺床上入睡。

伸延閱讀：床上入睡 vs 自行入睡

最簡單容易嘅做法，係畀BB由細開始習慣喺床仔瞓覺，咁就可以免卻之後要做改變時嘅淚水。

你知道嗎？BB喺未滿6個月，其實對入睡方式未好重依賴，想做到喺床仔自然入睡，並非難事。

重點係：

• 掌握好放床時間

• 營造好安睡環境

• 令BB對睡床沒有抗拒感

• 令BB習慣躺在平坦的地方

你知道嗎？其實喺BB清醒時嘅遊戲時間，都有助培養良好睡眠習慣㗎！尤其是如果你BB而家成日要人抱住，對床仔或被放低好抗拒的話，更加需要由瞓覺以外嘅時間開始做起。

［睡眠調整全面睇］
設有彈性支援的網上課程

以正向教養的方式，處理睡眠問題
令孩子睡得好，吃得好心情更愉快，親子關係更緊密

Dolce Sleepers 獨門心法
睡眠科學＋嬰幼兒心理學＋RIE育兒法

每日10-20分鐘，兩星期內學會如何 :

✔️ 恰當處理夜醒 視乎孩子的情況，選擇合適的回應方式，令孩子盡快重新入睡。.
✔️ 制定作息時間表 根據孩子的睡眠需要，.以及家庭的活動模式，作出個人化安排。
✔️ 減少孩子哭泣 瞭解孩子的心理需要，令孩子能愉快地安心入睡，並增進親子關係。
✔️ 停止抱睡奶睡 以顧及孩子安全感的方式，逐步改變入睡方式，令孩子能夠自行入睡。

12條教學影片，可無限次重溫
Zoom歡迎會，進行直接諮詢
學員專屬群組，隨時得到支援