如何挑選嬰兒床
Written By 正向睡眠顧問 Catherine
「上星期問，有幾多人有興趣知道應該點樣揀BB床。」
唔夠人舉手，不過因為涉及睡眠安全，所以都出個post略為講講，但唔會太長篇嘞。有興趣知多啲嘅請click下面嘅連結啦！
搵咗一陣，發現原來唔係太多圖片講嬰兒床嘅安全。搵到呢幅由某嬰兒傢俱店整嘅圖，畀大家睇得清楚啲。
基本上，最重要係嘅床欄嘅間隙，必須少於6厘米（2⅜吋），避免BB個頭會卡住，發生危險。
懶得度？拎罐汽水出嚟，睇吓可唔可以穿得過啦！（冇汽水罐搵罐蕃茄頂住先 ）
另外，BB好鍾意喺床上面彈下彈下，甚至猛力搖，所以床架必須穩固，切勿做任何形式嘅改裝（例如見BB可以擒出床，就將床板下降至地面）。
仲有一點係，當BB出牙，會好鍾意咬床架，所以一定要揀無毒材質。最好買大牌子出嘅BB床，唔好淘張不知名嘅床嘞... 人地送嘅二手床，亦必須要check清楚先呀！
你BB而家瞓緊嗰張床係乜嘢牌子？夠唔夠安全呢？歡迎留言或post相分享
伸延閱讀：
"Infant Furniture: Cribs" (AAP)
https://www.aspeds.com/Infant-Furniture-Cribs
「市售家用嬰兒床及折疊嬰兒床品質檢測及標示查核結果」（台灣）
Featured
大部分時間BB並唔係真正醒咗，而係進入咗淺眠狀態，佢哋好多時都會自己再進入深層睡眠…
Kaka媽媽：「Hello Catherine 我想多謝你，我仔（9個幾月）成個月都係nap得半個鐘😔本身想同你phone consult，但你一句提醒左我，自行入睡既BB應該搵出咩原因block佢，而唔係諗點幫佢接覺…
「我BB一出世已經好冇安全感，一定要抱住至得，一放低就喊。瞓覺時更加冇可能做到床上入睡，有乜嘢方法解決呢 ？」
最近，BB半夜瞓瞓下翻身，然後大喊 😭 次次咁醒法，然後要抱一輪先幫到佢瞓返… 想問下依個情況，可唔可以用咕𠱸，令佢冇咁易翻身呢？