唔想做睡眠訓練，但又希望BB能夠自行入睡？
BB一定要做睡眠訓練，至能夠自行入睡瞓得好？
唔係囉！
尤其是未滿6個月嘅BB，唔建議亦唔需要做睡眠訓練...
因為咁細嘅BB，對入睡方式未有依賴，所以只要掌握好時間，營造好安睡環境，BB就會能夠自然入睡，完全唔駛「訓練」，要佢自己喺床仔大喊！
Verona媽媽嘅細B啱啱出世，佢希望可以快啲令BB自行入睡，咁就有多啲時間陪大B。
於是，佢試過包住BB，抱到淺睡放床，再放隻手喺BB心口哄睡。
雖然好似都瞓到，但每日BB仍然會喊，甚至越喊越勁，結果都係要抱到熟睡至放低，有時甚至因為唔想太大動作整醒BB，於是只好放喺大人床...
我同Verona媽媽上上星期五傾完電話，加上5日fb messenger 支援，期間佢可以隨時問問題，我會針對每日嘅實際情況，講解處理方式。
Verona媽媽逐步上手，正面嘅心態亦令佢能夠有足夠自信，知道點樣用最合適嘅方式照顧BB
然後，喺諮詢後10日，我就收到Verona媽媽嘅好消息：
「nap 1 同埋夜晚飲完夜奶之後，佢可以係床上自行入睡 」
Declan BB只得2個月咋，已經可以由夜晚8點幾瞓到第二朝6點幾，佢仲要係親餵嘅BB嚟添！（包括夜奶，食完即刻瞓返）
其餘幾覺要抱？ 冇問題呀，個頭開得好，我有信心Verona媽媽好快就可以輕鬆令BB順利咁愉快入睡， 令BB鍾意瞓覺，成為甜睡寶寶（Dolce Sleepers）
喺跟進期，我會針對你BB嘅情況，解答以下問題：
- 幾點餵奶？
- 幾點放BB落床？
- 瞓唔到點算好？
- BB喊點算好？
- 夜奶餵唔餵好？
- 點樣可以令BB喺床仔自然入睡？
對於未滿6個月嘅BB，我嘅建議係：
Go with the flow，多觀察，少干預。慢慢就會摸索到點同BB溝通，點樣明白佢嘅需要，知道幾時佢需要幫忙， 點樣唔會幫倒忙
我相信，BB天生就擁有自行入睡嘅能力，只要我哋唔好做得太多妨礙到佢。
唔駛等到BB滿6個月，至做睡眠訓練㗎！
BB早啲瞓得好，大人BB都開心啲啦
查詢詳情及報名，歡迎PM Facebook專頁或瀏覽網站
