想幫小朋友轉房，要點樣準備好？

有媽咪問

「我同d朋友都有計畫生第二胎，但要幫大B轉房間 / 唔知到時大細B訓覺時間如何合理安排，先唔會互相影響...」

即將成為哥哥姐姐，對小朋友嚟講，係一個好大嘅轉變，的確需要預先準備好。

打算幫小朋友轉房嘅話，建議越早做越好，避免令佢覺得因為BB嘅出現，令佢冇得再同媽咪爹哋一齊瞓/一間房。

視乎小朋友年紀，轉房未必代表要轉小童床，因為3歲前嘅小朋友未有足夠自控能力留喺床，所以留返佢喺嬰兒床，有一個physical boundary，小朋友其實會更安心，亦可以減少夜醒走出嚟搵媽咪啲情況。

伸延閱讀：

《半夜孩子常常走來要求一起睡，怎麼辦？》http://bit.ly/2PLAYWY

如果要買過張新床，可以考慮買Ikea嗰種可以拆走一邊成為小童床嘅設計，咁就可以用多幾年都得嘞

另外，為增加歸屬感，畀小朋友參與新房嘅佈置亦係一個好辦法，你可以帶埋佢去揀張床同床單。如果佢未有安撫公仔攬住瞓嘅話，亦可以介紹個朋友仔陪佢瞓。

伸延閱讀：

《如何令囝囝囡囡同安撫公仔做好朋友》https://bit.ly/38Y2ZST

好多時，成為哥哥姐姐，會令小朋友覺得好興奮，好期待。佢哋亦可能會好錫BB，好想幫手。只不過，當BB真係嚟到之後，佢哋至會發現，有好多嘢並非佢哋想像中咁樣。例如，BB唔可以即刻同佢哋玩，同埋媽咪會畀人分咗一半或更多

於是，新嘅狀況對小朋友嘅情緒同行為都會有影響，尤其喺睡眠上。要有效解決這些問題，給予孩子適當的回應，我們應該拋開成年人的想法，試從孩子的觀點與角度入手，瞭解孩子正在面對的困境，對他們的感受給予肯定和認同。

伸延閱讀：

《孩子的角度》http://bit.ly/2JfRz1k

《點樣同時兼顧兩個小朋友？》https://bit.ly/3j0OUYs