經常被忽略的安睡因素

「好多時候，我哋會諗盡辦法點樣令囝囝囡囡瞓得好，但往往會忽略一個非常重要，而且唔係太難控制得到嘅因素...」

睡眠環境

1. 保持房間黑暗

無論係日頭定夜晚，睡房都應該保持黑暗，因為燈光會抑制大腦分泌睡眠荷爾蒙褪黑激素（melatonin ），影響入睡。朝頭早日出所造成嘅光線轉變，亦好容易令BB早醒。

2. 可使用白噪音

白噪音係初生嬰兒所熟悉嘅聲音，就好似仍然喺媽媽肚入面一樣，能增加安全感。除此之外，亦能遮蓋環境噪音，避免BB受到騷擾。記得白噪音必須喺入睡前開始播放，一直到預定起身時間，避免轉變令BB醒咗瞓唔返。

3. 攝氏23–25度

睡房應該保持和暖，但唔好幫BB著太多衫，比大人多一層就夠。人類嘅體溫喺朝早4-5點最低，如果睡房內溫度太低，BB就好可能會凍醒，無法順利連接到下一個睡眠週期。要知道BB係咪夠暖，你可以觸摸佢嘅後頸背，手腳溫度並非準確嘅指標嚟㗎！

唔想錯過更多睡眠貼士，請即設定 Dolce Sleepers 嬰幼兒睡眠資訊為「最愛」（Favorite），並且 呢篇文章，share埋畀媽咪爹哋朋友啦！