經常被忽略的安睡因素

「點樣至能夠令囝囝囡囡瞓得健康呢？

培養良好睡眠習慣嘅重點在於：

consistency」

固定的作息時間

BB喺6個月大左右，睡眠模式會開始穩定。因此，最好每日喺同一個時間起身，差唔好嘅時間落床休息，咁樣至能夠穩定生理時鐘，讓令身體定時定候有睡意，較易入睡。

熟悉的睡眠環境

日夜喺同一個地方瞓覺，能增加安全感。有啲媽咪習慣喺廳抱住BB哄睡，瞓著後至入房放床。BB半夜醒嘅時候發現唔見咗媽咪，亦唔知道自己身在何方，會被嚇親而大喊㗎！

一致的睡前儀式

好多媽咪都會講睡前故事哄睡，但要注意嘅係，睡前儀式不等如哄睡。其實睡前儀式係由入房嗰一刻開始，除了餵奶刷牙換睡衣之外，亦包括關門熄燈放落床等所有動作。每一次都執行相同嘅步驟，令BB能夠預料到即將發生嘅事情，亦知道即將要瞓覺，就會更有安全感，更願意合作。

劃一的安撫方式

每次入睡及夜醒，都必須以同一套方法處理。如果一時拍睡一時抱睡一時餵奶，BB會感到無所適從，更加無法安心入睡。