奶睡同床，好定唔好？
早排睇到一篇文章，講解點樣應付BB成日大喊。
文中媽媽講咗幾點，當中提到佢會喺BB喊時立即親餵
不希望挑起任何爭論，始終育兒觀有好多派別。
但作為嬰幼兒睡眠顧問，我可以講嘅係，唔理BB乜嘢原因喊就餵奶，我相信文章中嘅媽媽亦會用奶睡嘅方式，幫BB瞓覺。
奶睡喺初生階段好常見，但當BB越嚟越大，就會對奶睡養成依賴，唔啜就瞓唔到，結果一晚醒幾次，大人BB都冇覺好瞓。
當然，睡眠問題係好主觀嘅，如果媽媽唔介意嘅話，咁樣亦冇必要改變。但如果媽媽覺得咁樣好辛苦，亦唔應該死頂落去。母乳BB都一樣可以瞓嬰兒床，夜晚由7pm瞓到7am㗎！
伸延閱讀：
另外一點喺文章留言部份亦有媽咪已經提出，母子同床，尤其是初生嬰兒，係一件有風險嘅事。
好似文章中嗰位媽媽所講，攰起上嚟真係會聽唔到BB喊，壓到BB就恨錯難返。
所以，母子同床係一個個人選擇，唔應該推廣，亦唔能夠盲目跟從。
喺作出決定前，請務求瞭解當中風險（仲有BB可能會碌落床，唔係放幾個枕頭就得，咁做反而會增加BB猝死嘅風險）。
「身邊嘅人就只係同我講BB細個係咁，捱下就大，佢哋覺得我只係識抱怨... 睇你嘅文章令我覺得我唔係黐線。」～Florence媽媽
好多媽媽喺BB出世前已經落力做準備，BB出世後亦仍然勤力學習，希望能夠畀到最好嘅BB。只不過，無奈地身邊嘅人未必會認同媽媽嘅努力，覺得只係自己攞嚟攪 ⋯
之前去旅行時，孖仔好多時都成11點幾至瞓... 🙈
不過返到屋企，要佢哋早啲瞓，佢哋就算未瞓得著，甚至攤喺限張床碌咗一陣之後，同我講話：
🧒 媽咪 I can't sleep...
氹BB瞓覺，其中一個大忌，係畀太大壓力自己。尤其是得幾個月嘅BB，你以為佢咁細個乜都唔識乜都唔知？其實BB嘅觀察力超強，對你嘅表情語氣手勢身體動作都超級敏感，完全feel到你嘅心情㗎囉！
無論選擇做唔做睡眠訓練，用邊種方法都好，我嘅睇法都係 必須尊重。冇父母鍾意聽自己BB喊，本能係會想用盡方法令BB停止哭泣。
BB其實係能夠從我哋嘅語氣、表情，同身體語言得，明白到我哋嘅用意。當你每次做同一個動作時，都會講同一句說話，久而久之BB就會明白呢句說話嘅意思，儲入佢嘅超級大腦。