點解BB突然唔肯瞓覺?
「囡囡之前夜晚瞓教都可以心情靚靚地俾人抱上床瞓，唔知點解呢排勁抗拒，未抱上床已喊定，點解會咁呢?」
原本相安無事，突然抗拒落床瞓覺，原因可以有好幾個...
1) 需要調整作息時間表
睡眠需要會隨住年齡增長而逐漸下降，一般嚟講夜晚最好盡量保持住11-12小時，所以要減就要減日頭嘅小睡時間，否則日頭瞓得太多，夜晚就可能未攰唔願意瞓嘞！相反嚟講，當日頭能支撐嘅清醒時間延長咗，未有調整時間表嘅話，有可能會瞓少咗，咁到夜晚就會因為太攰而瞓唔到掙扎嘞...
伸延閱讀：《你囝囝囡囡日頭瞓得夠唔夠呢？》
2) 睡眠倒退期
喺BB出世後頭2年，一共有5次睡眠倒退期，BB會因為唔同嘅原因令睡眠受到影響。例如8-10個月時，BB會因為開始學企而唔願意瞓低，如果被迫瞓低，甚至被㩒住唔準起身唔準郁，自然就會哭鬧唔高興，慢慢開始對睡眠產生抗拒...
伸延閱讀：《睡眠倒退期》
3) 生活上出現轉變
如果小朋友開始返學，或者媽咪爹哋唔再在家工作要返工，甚至屋企即將新添成員等等情況，對小朋友而言，都係好重大嘅轉變。夜晚喺好攰啲時候，情緒往往會喺呢個時候爆發出嚟。
4) 身體不適
出牙、打針、腸胃不適等等情況，令BB覺得唔舒服，自然會扭計大喊，唔容易瞓得著。注意如果係呢個情況嘅話，應該只會持續一段短時間。
5) 處理方式不一致
無論係以上邊個情況，最關鍵嗰一點，就係你點樣處理囝囝囡囡唔肯瞓嘅情況。如你見佢勁喊，就由自行/床上入睡變返抱睡奶睡，或者帶返佢出房畀佢玩，甚至開電視令佢停止唔喊，咁畀佢嘅訊息就係，只要大喊就可以有得玩，咁仲點會願意瞓覺呢？
唔肯定係邊個原因，或者唔知點樣處理好？
詳情請瀏覧Dolce Sleepers網站
