幾歲自己一間房

有媽咪問

「小朋友最好幾歲先開始自己一間房瞓？

根據美國兒科醫學會嘅建議，最安全嘅做法係頭6個月同房不同床（獨立嬰兒床），有需要亦可以延長至1歲。」

好多時，如果空間許可，我都會建議父母盡早畀BB有自己一間睡房。

一來能夠減少大人同小朋友瞓覺時互相騷擾。有媽咪分享話半夜連咳都唔敢，又驚自己翻身時有聲會嘈醒囡囡，完全唔敢郁。

二來對於小朋友係咪能夠「一覺瞓到天光」，亦會有好大影響。因為好多時BB都會喺睡眠周期銜接時叫幾聲，或碌嚟碌去，但好多時其實佢哋未真係完全醒晒。

但當照顧者以為BB醒咗，或者驚佢會醒晒瞓唔返，於是一乜嘢風吹草動就出手干預，希望BB能夠盡快瞓返...

的確，當晚嚟講或者work嘅，但久而久之BB就會失去咗練習連續睡眠周期嘅機會，習慣每次夜醒都有人幫佢瞓返（甚至會有人抱、有奶食、或能夠去大人床瞓），於是失去咗自己瞓返嘅意欲*。

就算BB能夠自行入睡，夜醒處理不當，睡眠問題都仍然會無法得到解決

提返一點，無論BB同父母同房，或自己一間房，都必須遵守安全睡眠守則，減低發生意外嘅風險。

舊文重溫

《美國兒科醫學會的安全睡眠指引》https://bit.ly/3eIZK4d

最後，好多人會擔心安全感嘅問題，怕小朋友太早自己一間房會驚。其實，當BB能夠安於自己一個瞓覺，唔駛一定要人陪，證明佢已經有足夠嘅安全感啦！係咪先