你囝囝囡囡日頭瞓得夠唔夠呢？
「隨著年紀增長，BB/小朋友所需要嘅睡眠時數會漸漸減少，小睡次數亦會逐漸遞減。」
問題係，點樣知道係時候改變囝囝囡囡嘅小睡次數呢？
首先，必須要知道一般嚟講，唔同月齡階段要瞓幾多次同瞓幾耐。（以下睡眠總時數僅供參考，實際安排需視乎情況而定）
以下為12小時內所需要嘅小睡睡眠時數
初生嬰兒：小睡時間仍未固定，每覺由30分鐘-2小時不等
3-5個月：每天小睡3-4次，總共3-4小時
6-8個月：每天小睡2-3次，總共2.5-3.25小時
9-14個月：每天小睡2次，總共2-3小時
15-17個月：有些孩子仍然需要小睡2次，一般早上只是短睡，下午才睡得久一點；有些孩子已進入過渡期，轉為午睡一次，大約2-2.5小時
18個月-2歲：每天午睡一次，一般2-2.5小時
2-3歲：每天午睡一次，一般1.5-2.5小時；如果午睡後，他們需要更長時間才能在晚上入睡，那就或者需要縮短午睡時間了
3-4歲：有些孩子仍需要午睡一個小時左右，有些則開始過渡期，會隔天才睡（注意如果沒有午睡的話，請讓孩子晚上早點上床睡覺）
4歲以上：大部份孩子都不再需要午睡了
注意並非去到特定年紀至會轉覺，而需要睇返個別BB/小朋友有冇出現以下跡象而定：
• 小睡時需要比平時較長時間才能入睡
• 仍在同樣時間入睡，但很快就會醒來
• 日間小睡正常，但晚上卻不容易入睡
• 半夜經常醒來，或醒來後很久亦無法再次入睡
• 比平常早很多醒來（6點之前），醒來後無法再次入睡
有一點要注意嘅係，以上跡象必須連續出現幾日才能作準。因為，BB/小朋友很可能正經歷緊睡眠倒退期*，所以就算睡眠模式有所改變，亦不一定代表係時候減少小睡次數。
要令小睡轉換過程更順暢，你可以提早囝囝囡囡夜晚嘅就寢時間，畀佢慢慢習慣延長咗嘅清醒時間。
