BB訓得好唔好，先天定後天影響較大?

「佢個B瞓得咁好，係佢好彩嗟...」

你有冇聽過過人咁樣講，甚至可能你自己都係咁樣諗呢？

究竟，係咪有啲BB天生自然瞓得好，有啲BB就係天生難攪㗎呢？

簡單嚟講 - 係。

假設，想BB瞓得好，一共有10個條件。

有啲BB可能只係需要符合到5-6點，就已經會瞓得好；有啲BB就可能要符合到8-9點至得...

但咁並唔代表，就冇辦法令呢啲BB都瞓得好呀！

睡眠除咗天生條件外，後天培養佔嘅比重其實更大。

營造安睡環境、注意BB嘅睡眠需要，仲有我哋大人照顧BB嘅做法，以及心態，都會對BB嘅睡眠有決定性影響。

曾經有一項研究，調查咗85位媽咪同BB。

其中一個項目係，嘗試瞭解父母嘅養育方式，與BB睡眠狀況之間嘅相關性。

所有媽咪都好細心照顧BB，只不過佢哋對於睡眠嘅態度就有所不同。

研究發現，當媽咪認定BB大喊，係因為佢哋好辛苦，需要大人嘅協助至能夠瞓得著，咁佢哋自然會採取比較主導嘅角色，去安撫BB瞓覺，呢啲BB夜晚亦會醒得較頻密。

而另一批媽咪相信BB天生就識得瞓覺，唔係次次都要人氹至得，佢哋就比較願意放手去畀BB嘗試同練習，呢啲BB嘅夜醒情況亦冇咁嚴重。

有一個跟進研究甚至發現，媽咪喺BB滿12個月時對睡眠嘅態度，同小朋友4歲時嘅睡眠狀況亦都有關係添！

所以，如果你BB而家瞓得唔好，都唔好氣餒呀！絕對係有得做返好㗎！

如果你BB只係0-5個月，呢個月齡係培養良好睡眠習慣嘅好時機，唔需要亦唔建議做睡眠訓練，只要畀機會BB去嘗試，同時注意BB嘅睡眠需要，就自然能夠成為「甜睡寶寶」（Dolce Sleepers）

喺「健康睡眠工作坊」，我會逐步講解應該點樣做，為BB去除令BB瞓得唔好嘅障礙，令BB能夠順利自然入睡，盡早戒夜奶，一覺瞓到天光！
課程詳情：https://www.dolcesleepers.com/courses/0-5workshop

而就算你BB已經係6個月以上，都仍然未遲㗎！喺「睡眠調整全面睇」，我會話你知點樣做好各項安睡因素，自然就能夠令BB「無痛入睡」啦！
課程詳情：https://www.dolcesleepers.com/courses/holistic-sleep/

資料來源：Alice Callahan, PhD, "The Science of Mom" 作者