BB瞓覺成頭汗，係咪唔正常？

好多媽媽見BB瞓到成頭汗，於是開冷氣畀BB瞓。

但半夜又怕BB凍，結果唯有辛苦啲成晚起身不斷調節溫度

就算BB瞓得好，媽媽都一樣冇覺好瞓...

其實BB瞓覺時頭部出汗，係好正常嘅現象，唔需要太擔心㗎！

我特登問咗 中醫師Helen媽媽 @helenngec ，以下係佢嘅回覆：

「如果3歲以下，只頭部汗出，屬生理性出汗，因嬰幼兒皮膚水量及微血管多，加上本身屬純陽之體，所以較易出汗。

但需排除病理因素如感冒，感冒後，先天心臟病等。若全身出汗及引起不適，如反覆流涕、感冒，需按體質調理，可試小兒推拿或中藥。

如果本身無病徵，冷氣唔好直吹或溫度調高少少就可以。

有病徵的話，例如發燒出汗，的確要多注意溫度，但仍以瞓得夠為大前提，印汗千祈唔好整醒佢！」

所以，可以成晚開住冷氣，唔駛較鬧鐘半夜起身熄冷氣咁辛苦...

怕BB覺得凍？同BB著個睡袋，就唔怕朝早會凍醒啦（5點早醒常見成因）