其實所謂嘅Specialist，可能根本唔知自己做緊乜
睡眠顧問呢行，無論喺香港定外國都冇任何監管，甚至冇一套全行都跟嘅規矩。
任何人都可以成為睡眠顧問，就算讀完個證書課程，都唔代表知道自己做緊乜嘢...
間唔時就會喺外國群組見到咁嘅post，唉
BB得3個月，仲要係早產B（即係可能仲細個啲），竟然問得出係咪應該cold turkey（即係掉低BB喺床），仲話‘parents will be away... i can do more crying'...
對於完全冇覺好瞓嘅新手父母，無可奈何地放手搏一搏我明，唔會怪佢哋忍心，畢竟冇覺好瞓真係一件好痛苦嘅事... 冇人想見到自己BB大喊，真係到谷低冇晒辦法，至會出此下策。
但收得人錢，有所謂嘅專業資格，都仲竟然會問得出咁嘅問題，我好戥呢對父母心痛... 而且就算BB最終爆喊幾日後自己瞓到，但都唔代表唔會再有夜醒，因為冇先處理好其他安睡因素，可以預計到呢個家庭將會繼續受睡眠問題困擾...
#幾時可以做睡眠訓練 呢點，其實我已經講過好多次，不過仍然不斷收到同一問題，希望大家唔好嫌我煩又提多次：
未滿6個月嘅BB唔建議、亦唔需要做睡眠訓練（一般正常睡眠顧問有啲會話4個月可以做）
因為，BB仲細，對入睡方式未有太大依賴。
加上小睡周期未成熟，所以作息時間仲好飄忽，比較難穩定到就寢時間（做睡眠訓練其中一個最重要嘅條件）。
只要掌握好放床時間，同埋營造好安睡環境，喺BB未係好攰時放床，係好大機會可以自然入睡。
大人其實可以乜都唔駛做，亦唔好諗住勁拍佢或做其他嘢，因為咁做好可能反而騷擾到BB，冇喊都被拍到喊...
好多報讀咗 健康睡眠工作坊 嘅媽咪都可以證明，就算已經5個月嘅BB都一樣可以自己喺床仔碌吓，啜住手指無痛入睡
如果次次想氹BB瞓時都大喊，好難至瞓到，咁一係開始哄睡時間太遲，一係環境有刺激，或哄睡方式太刺激（左手換右手，又打橫又打直抱等），所以令BB瞓唔到。
所以，希望唔駛再抱到手痛，日日用幾個鐘氹BB瞓覺，你要做嘅 #唔係睡眠訓練，而係搵出有乜嘢阻礙BB入睡，咁至係根治睡眠問題嘅方法。
留言可以搵到另一篇之前寫過嘅文章
如果你BB未滿6個月，想知道點樣令BB瞓得好啲，或者瞭解係乜嘢原因令BB瞓唔到，我有好多免費資源可以幫到你：
新手父母求生指南（8頁PDF）
初生嬰兒睡眠須知（1小時教學影片）
Email系列（1個月內容，共15篇）
