減少入睡掙扎的10個事前準備

希望BB能夠瞓得好，能夠一覺瞓到天光，好多人第一時間就會諗到，要做睡眠訓練...

坊間相傳好多「 方法」 ，上網亦好容易搵到。

問題係，單單做睡眠訓練，唔單止唔能夠解決睡眠問題，甚至可能令成家人更迷茫，更痛苦…

因為，好多情況根本係未ready（包括大人同BB），勉強去做，只會吃力不討好。

睡眠訓練，其實係改變入睡方式嘅方法。希望BB能夠順利入睡，唔係掉佢落床咁簡單㗎！

有啲咩要預先做好？睇睇下面呢10點啦！

1) 準備一張嬰兒床

為避免BB碌落床，必須要有一張四邊圍住嘅BB床。BB已經識企嘅話亦要將床褥較到最低。記得床入面亦唔能夠有任軟身物品，或BB可能用嚟踩住擒出嚟嘅物品。

2) 安裝不透光窗簾

避免房外光線會抑制睡眠荷爾蒙嘅分泌，影響入睡。同時亦可以減低BB因為日出令睡房光線轉變而早醒。

3) 考慮使用白噪音

如果房外成日會有突如其來嘅聲音，影響BB入睡，用白噪音遮蓋住，能減少噪音對BB嘅影響。

4) 記低最少2個星期嘅睡眠及餵奶加固情況

穩定作息時間，確保BB日間小睡穩定，冇瞓得太多或太少，夜間睡眠至唔會受到影響。

5) 掌握好理想嘅就寢時間

如果BB未夠攰會唔肯瞓/瞓唔著，太攰又會因為壓力荷爾蒙影響而想瞓都瞓唔著，兩個情況都會增加入睡時嘅掙扎。

6) 就寢時間最好安排喺6至8pm之間（夜間睡眠要有11-12小時）

BB嘅天然生理時鐘都係偏早嘅，太夜瞓未能夠配合生理時間，甚至BB已經攰得滯，都會導致入睡困難嘅問題。

7) 制定一個幫到BB放鬆嘅睡前儀式

幫BB做好瞓覺嘅心理準備，令佢心情保持愉快輕鬆，甚至令佢鍾意瞓覺，咁佢就自然合好多啦！

如果BB有用奶咀，要決定點處理

要決定戒，定係教BB自己執（一般喺7-8個月大時已經可以做到）。因為如果BB夜醒仍然要你幫佢塞奶咀，咁識得自行入睡都冇用。

9) 確保所有屋企人都同意，並且做好心理準備（包括你自己）

呢點非常重要，BB未習慣新嘅入睡方式好可能會大喊，如果屋企人唔贊成做法，就算冇出手干預，淨係發表意見都會令執行睡眠訓練嘅媽咪爹哋感受到更大壓力。

10) 揀定合適嘅日子開始

保持一致係睡眠訓練要得到成功嘅重點，如果大人太攰，或第二日要返工，都會增加放棄嘅可能性。

希望更深入瞭解點樣做好以上10點？

「睡眠調整全面睇」幫到你

我會教你點樣：

- 營造安睡環境
- 制定同調整作息及餵奶加固時間表
- 掌握好入睡時間
- 幫BB做好瞓覺嘅心理準備
- 協助BB學識自己執奶咀
- 調整自己嘅心態
- 以及更多...

要知道更多，歡迎瀏覽Dolce Sleepers網站
https://www.dolcesleepers.com/courses/holistic-sleep/