自行入睡VS床上入睡
做電話諮詢時，絕大部分媽咪爹哋都話希望囝囝囡囡能夠自行入睡。
不過傾傾吓就會發現，其實佢哋所指嘅只不過係戒奶睡或抱睡，希望BB能夠喺床上入睡而已。
究竟自行入睡，同埋床上入睡有乜嘢分別呢？
自行入睡嘅定義，係你放咗BB落床後，就可以離開間房，佢會自己由清醒，慢慢感到有睡意，然後喺床上瞓著覺。
所以，如果你一直陪住佢，或者要拍住佢
pat pat瞓，甚至係抱住搖到佢差唔多瞓著然後放床，呢啲情況仍未算係自行入睡㗎！
而床上入睡嘅意思，只係單單唔再奶睡抱睡搖睡孭睡咁解。
兩者嘅分別，在於自行入睡即係完全冇你嘅存在，都可以瞓得著。而床上入睡，其實只係自行入睡嘅第一步，當BB習慣喺床上入睡，你會需要慢慢抽身，減低你嘅存在感，令BB唔再需要依賴你至瞓得著。
咁係咪一定要做到自行入睡，至能夠解決夜醒嘅問題？
其實唔一定㗎！
無論係做電話諮詢，或者參加咗「睡眠調整全面睇」 網上課程嘅媽咪爹地，都成功幫BB戒到抱睡奶睡，令一家大細嘅睡眠質素得到十倍提升！
請你畀個機會我話你知，點樣跳好呢支「安睡圓舞曲」啦！
「睡眠調整全面睇」 現已開放報名
教學影片+互助討論區+live Q&A+1:1諮詢
