媽咪分享 - 「睡眠調整全面睇」網上課程

「睡眠調整全面睇」網上課程今日完滿結束，好多位媽咪都分享咗BB嘅進展，仲分享咗佢哋嘅課後感受，好多謝你哋呀！

以下係其中一位媽咪嘅分享，佢成功由奶睡＋夜瞓＋夜醒，進步到放床仔拖手，15分鐘內入睡

好多謝 Catherine Skyee 一直細心解答問題，由follow page 到workshop, 我學到好多嘢，同埋了解多咗小朋友心理，減少咗哄睡方面嘅壓力。

喺呢兩星期小朋友晚間睡眠有好大進步，由奶睡＋夜瞓＋夜醒，進步到而家可以放床仔拖手入睡，喺床仔15分鐘度就已經瞓著，同埋少咗夜醒（只有一兩晚接唔到覺喺半夜12點幾喊，輕輕講「媽媽喺度」，就可以瞓返，以前要輕拍一陣），簡直係媽媽嘅救星

而家摸索緊佢日間小睡嘅模式，探索緊點樣拎佢可以無論婆婆哄或媽媽哄都可以喺床仔入睡嘅方法。

會繼續努力，希望小朋友瞓得好，婆婆都可以冇咁辛苦。