只要係為寶寶好，我相信我能夠堅持落去

媽咪分享

想囝囝囡囡瞓得好，除咗要運用睡眠科學同嬰幼兒心理學之外，有一點極為重要嘅係：

父母嘅心態

我喺「睡眠調整全面睇」網上課程，每日出一條幾分鐘嘅影片，講解各種安睡因素，呢日講到要成功作出改變嘅心法。

以下係其中一位媽咪嘅分享

Day9功課

14個月

小睡 自行入睡 嬰兒床

夜晚就寢 陪睡 爸爸incharge

堅持，在改變之前，首要條件係了解果件事嘅好壞，分析過後，要有清晰嘅溝通，同埋心態要正確。

只要係為寶寶好嘅，我相信我能夠堅持落去。

曾經好努力自己喺度計時，mark記錄，了解佢嘅眼瞓signal，慢慢讓每日嘅小睡pattern固定起來，俾佢知每一個“下一步”……；其他媽媽眼中，我好傻，但我知自己做緊乜，固中都有辛苦的時候，直至到開始有點“成績”，寶寶又會有“挑戰”，曾經放棄過堅持，有其他聲音話“你都舒服咗咁耐啦，佢需要你嘅安全感先瞓到㗎”，懷疑自己當初咁做，同其他媽媽都唔同，係唔係真係唔岩? 當聽到寶寶好似真係唔係好願意留喺床，我掙扎過，果段時間抱睡，但結果雙方都冇好過，結局係點? 功課就寫低咗喇♡

非常感謝 Catherine @ Dolce Sleepers 嬰幼兒睡眠資訊