一定要進行睡眠訓練？非也!
「想改善BB嘅睡眠品質，能夠一覺睡到天光，一定要進行睡眠訓練嗎？」
非也！
希望BB瞓得好，最重要係瞭解BB喺唔同階段嘅睡眠需要，知道幾旳應該畀BB休息，避免疲勞過度。只要得到充足睡眠，睡眠週期就更有機會能順利連接得到，BB就唔會成日喺半夜驚醒，更早能夠一覺瞓天光！
另一個重點，係為BB培養良好嘅睡眠習慣。
所謂嘅「睡眠訓練」，準確嚟講其實係睡眠「再」訓練。
初生嬰兒啱啱出生時，一時未能習慣外界環境，好多時候都會好易就喊。加上初生嬰兒嘅清醒時間一般只有60分鐘，一單錯過入睡時機，BB攰得滯又會喊唔停。
喺這啲情況下，我哋難免想安撫BB，用盡方法幫助BB入睡。喺BB出生後頭幾個月，無論係抱睡搖睡奶睡都唔會有問題。但係，到6個月大左右，BB就會對大人嘅哄睡方法開始形成依賴。
當我哋每次氹BB瞓覺時，都係用抱睡搖睡奶睡嘅方式，就會令BB將瞓覺同這些動作連結埋一齊，英文稱之為sleep crutch或sleep prop，等如我哋訓練咗BB必須要喺呢種特定情況下，先至能夠入睡。
呢啲睡眠關聯動作是好是壞，見仁見智。但如果我哋未能持續進行呢啲哄睡動作（搖睡2歲嘅小朋友，是對大人體力嘅一種挑戰），咁就最好儘早改變BB嘅入睡方式嘞！
所以，睡眠訓練嘅目的，其實是解除之前嘅訓練結果（亦即搖睡抱睡奶睡等），令BB重新習慣點樣唔駛依靠外在幫助而自行入睡。
故此，如果BB從小就已經習慣床上入睡，只要入睡時間恰當，能得到充足休息，當時機成熟**，BB就自然會掌握到自行（再次）入睡嗁能力，可以一覺瞓到天光，無須向我哋求救至能夠再次入睡啦！
想知道點樣能令BB自小習慣床上入睡，就唔好錯過專為0-5個月大嬰兒家長及準父母而設的《健康睡眠工作坊》，我會分享各種技巧及工具，一步一步帶領參與的媽咪成為自己BB的睡眠專家。
我亦會講解如何有效安撫大喊BB，以及增加BB安全感的重點，令親子關係更密切。
「健康睡眠工作坊」
內容包括：
- 點解BB一落床就喊
- 令BB無須依賴奶睡抱睡搖睡嘅秘訣
- 延長夜間睡眠長度嘅方法
- 令BB瞓得安全同舒服嘅要點
- 增加BB安全感嘅重點
- BB大喊點算好
- 及更多...
費用：$350
