喊到嘔都唔可以抱?

最近見到有關睡眠訓練嘅報導，有媽咪話啲書教，就算BB喊到嘔都唔准抱，抹淨後由佢繼續喊...

我覺得有必要回應一下，所以今日繼續暫停分享有關RIE育兒法嘅文章（不過其實都係會講返，因為呢個正正係Dolce Sleepers嘅心法 ）

好多人會以為，想BB瞓得好，必須要夠「狠心」，由得BB喊唔可以回應

Follow咗Dolce Sleepers一段時間嘅媽咪爹哋，都知道我成日講，BB喊係想同我哋溝通，我哋必須要先嘗試瞭解BB嘅真正需要，然後再作出恰當嘅回應。

所以，我從來唔會叫媽咪爹哋 「狠心」啲...

係，我話過我哋要容許BB/小朋友完全宣洩佢嘅負面情緒。但係，咁唔代表完全唔理佢，相反你必須要畀佢知道，你有關心住佢，你明白到佢嘅掙扎。

呢度有一個心態上嘅分別，好多時會引起誤解。

首先澄清一點，做睡眠訓練唔代表就要掉低BB自己一個喺床，由得佢自己喊到瞓著，完全唔作出回應。

你絕對可以選擇留喺房，陪住你囝囝囡囡。

而且，陪睡嘅時候亦唔需要扮瞓覺唔去回應，我甚至建議必須要同BB保持100% connection（文章連結請見留言）。

就算係為咗避免對BB做成過度刺激，而選擇離房嘅方法，我亦唔會限定話幾多分鐘至去入返去安撫BB。因為，睇鐘決定幾時入房，即係忽視咗BB當時嘅情況。

BB爆喊，但未能適時得到恰當回應，就好可能會嘔

而且，好重要嘅一點係，唔係話BB喊完識得自行入睡，就代表會瞓得好，唔會再有夜醒大喊嘅情況（呢點真係已經講過好多次... 唔再重覆嘞，舊文連結請見留言 ）

睡眠訓練唔係訓練BB，而係訓練爹哋媽咪。

做睡眠訓練唔係要改變BB，而係需要媽咪爹哋改變自己嘅心態，同埋一向以嚟嘅做法以及習慣。

搵我幫你去做呢個 「訓練 」，我唔會有一條方程式畀你。

因為我需要你去耐心聆聽同觀察你囝囝囡囡，嘗試解讀出佢想同你表達嘅訊息。

成個過程係需要摸索嘅，而我嘅角色，除咗幫你同你BB制定一個度身訂造嘅睡眠計劃之外，更重要嘅係陪住你，一齊去摸索出點樣為之最恰當嘅回應方式。

最後，不厭其煩再提多一次。

想囝囝囡囡瞓得好，唔係單單令佢能夠自行入睡就得。

自行入睡甚至唔係首要條件。

而且，唔係每個家庭都適合做睡眠訓練。

而就算唔做睡眠訓練，亦唔代表要死頂落去冇覺好瞓㗎！

為咗能夠幫到多啲家庭改善BB嘅睡眠問題，所以我至設計咗 「睡眠調整全面睇」呢個網上課程。

無論你係同BB同床、同房，或分房都啱用; 無論你BB習慣抱睡、奶睡、拍睡，睡眠質素都可以得到改善。

我會一步一步帶領你，為BB制定一個全面嘅睡眠計劃，包括營造安睡環境、掌握開始哄睡時間、為BB做好要瞓覺嘅心理準備等，而且仲會同你分析，種種睡眠問題嘅成因，同埋話你知應該點樣去處理

呢個課程，適合啱啱至認識到健康睡眠嘅媽咪爹地哋。如果你睇過一啲文章，但未能掌握到當中訣竅，試過自己做但唔work，呢個課程都會適合你

網上課程嘅教學影片可以隨時睇都得，仲可以無限次重溫。我亦會喺群組開Q&A，解答你所遇到嘅種種疑難，一直support你直到你囝囝囡囡3歲！

想知道更多課程資料，留言有連結，即刻click去睇睇啦！

唔好死頂嘞，睡眠問題，係可以解決㗎！