「睡眠訓練 = 忍受BB大喊」？ - Petty媽媽分享

「睡眠訓練 = 忍受BB大喊」？

呢個係好多人對sleep training嘅誤解 

所以對於呢個題目，坊間嘅睇法一直好兩極...

一係就去到盡做cry it out ，一係就死頂幾年wait it out... 

雖然話開始多咗人接觸到其他睡眠訓練方式，例如Ferber同Camping out等。

但無論係用邊種方法，如果單單抱住忍幾晚嘅心態，唔單止好可能會失敗收場，甚至令BB驚咗瞓覺 

所以，我想再講多一次：睡眠訓練不等如CIO

絕對唔係狠心由得BB喊，就可以得到成功 

就算係每隔幾分鐘入房安撫BB嘅做法，其實我都唔係太贊成，因為咁做會忽略咗BB嘅情況，好多時甚至會攪到BB嘔，媽咪爹哋又好心痛，唔知應唔應該停止好...

Petty媽媽報讀咗 睡眠調整全面睇，為佢BB先做好準備（係㗎，想BB瞓得好唔能夠單睇入睡方式，至少要先做好10個準備，留言有連結 ）

之後佢想搵我幫手同BB做睡眠訓練，不過我本住一係唔接，一係就做到最好嘅心態，喺明知自己冇期去做全面跟進嘅情況下，無奈地推咗佢嘅case 

過咗一排收到Petty媽媽求救，雖然BB可以自己瞓到，但係晚晚都爆喊，覺得好心痛。

於是我建議電話傾傾，睇吓係邊個位出咗問題。

然後，就發現都係呢個好常見嘅誤解，所引起嘅問題：

因為覺得要夠「堅定」，所以次次做完睡前儀式就急住放BB落床...

然後，大人見BB抗議，就更加唔敢去engage（例如成日有媽媽問我係咪唔可以有眼神接觸，當然唔係啦！千祈唔好特登唔望BB添呀，嚇親佢㗎會 ）

呢個位其實正正就係我融合咗 RIE育兒法 嘅獨門心法 ‐‐ 保持觀察，保持連結 

BB得到你嘅回應，至能夠安心，慢慢習慣新嘅入睡方式。

睡眠訓練可以係一件好有愛嘅事

以下係Petty媽媽嘅分享：